Thane BJP : ठाण्याचा विकास, चप्पा चप्पा! सर्वत्र दिसे फक्त…. भाजपच्या ‘त्या’ बॅनरची तुफान चर्चा

ठाण्यात आगामी स्थानिक स्वराज्य संस्थेच्या निवडणुकीच्या तोंडावर भारतीय जनता पक्षाने (भाजप) बॅनरबाजी सुरू केली आहे. भाजप पदाधिकारी अल्केश कदम यांच्या वतीने शहरातील विविध ठिकाणी बॅनर लावण्यात आले आहेत. या बॅनरवर “ठाण्याचा विकास, चप्पा चप्पा सर्वत्र दिसेल फक्त आणि फक्त भाजपा” असा आशय आहे, जो ठाणे शहरातील विकासाचे श्रेय भाजपला देत आहे. या बॅनरबाजीला काही दिवसांपूर्वी झालेल्या इच्छुकांच्या कार्यशाळेची पार्श्वभूमी आहे. त्या कार्यशाळेत “चप्पा चप्पा भाजपा, अबकी बार ७० पार” असा नारा देण्यात आला होता. याच घोषणेच्या अनुषंगाने ही बॅनर मोहीम राबवण्यात येत आहे.

या बॅनरबाजीद्वारे भाजप आगामी निवडणुकांसाठी तयारी करत असल्याचे स्पष्ट होत आहे. यातून येणाऱ्या काळात ठाण्यात आपलाच महापौर असावा, अशी इच्छा भाजप नेते संजय केळकर यांनी यापूर्वी व्यक्त केली होती, त्यालाच पुन्हा एकदा या बॅनरबाजीने बळकटी दिली आहे.