अयोध्येतील राम मंदिराचं काम वेगाने सुरु, बघा एक्स्क्लुझिव्ह व्हिडीओ; कधी होणार दर्शनासाठी खुलं

अयोध्या : अयोध्येतील राम मंदिराचं काम वेगाने सुरु आहे. तर मकर संक्रांतीनंतर जानेवारी २०२४ मध्ये हे मंदिर भाविकांना दर्शनासाठी खुलं करण्यात येणार आहे. दरम्यान, अयोध्येतील या मंदिराचं काम २४ तास सुरू असून या मंदिर परिसरात चोख सुरक्षा व्यवस्था ठेवण्यात आली आहे. राम मंदिराचे ५० टक्के काम पूर्ण झाले आहे. या मंदिरात रामललाची मूर्ती ५१ इंच असेल, जी गर्भगृहात बांधलेल्या व्यासपीठावर स्थापित केली जाणार आहे. राजस्थान येथून आलेले हे कारागीर अयोध्येच्या राममंदिरातील दगडांवर आकर्षक कोरीव काम करताना दिसत आहेत. जानेवारी २०२४ मध्ये हे मंदिर भाविकांच्या दर्शनासाठी खुलं होणार असल्यानं राजस्थान येथून आलेले हे कामगार त्यांच्या कामात गुंतल्याचेही पाहायला मिळत आहे.