धुळे (Dhule), नंदुरबार (Nandurbar) आणि सातारा (Satara) जिल्हा मध्यवर्ती सहकारी बँकेसाठी (Jilha Bank Election) आज मतदान होत आहे. धुळ्यात 17 जागांपैकी सात जागा यापूर्वीच बिनविरोध झाल्या असल्याने आता एका गटातील दहा जागांसाठी निवडणूक होत आहे. 20 उमेदवार या निवडणुकीच्या रिंगणात आहेत.
धुळे आणि नंदुरबार असे दोन्ही जिल्हे मिळून एकूण 17 मतदान केंद्र निश्चित करण्यात आले आहेत. मतदानासाठी प्रशासकीय यंत्रणा सज्ज झाली आहे. दोन्ही जिल्ह्यात दहा मतदान केंद्र धुळे जिल्ह्यात जिल्हा बँकेसाठी रविवारी सकाळी आठ ते दुपारी 4 वाजेपर्यंत अखंड मतदान होणार असून यासाठी एकूण 938 मतदार आहेत. सर्वसाधारण गटातील मतदारांना केवळ सर्वसाधारण गटातून मतदान करता येईल. तर राखीव गटासाठी सर्व मतदारांना मतदान करता येणार आहे. या बँकेत शिवसेनेचे चंद्रकांत रघुवंशी तर भारतीय जनता पक्षाचे अमरीश भाई पटेल यांची प्रतिष्ठा पणाला लागली आहे.