Thackeray Garjana Morcha : ठाकरे बंधूंच्या गर्जाना मोर्चात तुफान गर्दी, ड्रोनदृश्य पहाच

मुंबईत उद्धव ठाकरे आणि राज ठाकरे यांच्या नेतृत्वाखाली निवडणूक आयोगाच्या कार्यपद्धतीवर आक्षेप घेत एक भव्य गर्जना मोर्चा काढण्यात आला. मेट्रो सिनेमा ते महापालिका मुख्यालयापर्यंत काढण्यात आलेल्या या मोर्चात मोठ्या संख्येने कार्यकर्ते सहभागी झाले होते. हातात तिरंगा घेतलेल्या कार्यकर्त्यांनी निवडणूक आयोगाच्या कामकाजावर आणि ज्ञानेश कुमार यांच्या राजीनाम्याच्या मागणीसाठी जोरदार घोषणाबाजी केली. या मोर्चात राष्ट्रवादी काँग्रेस (शरदचंद्र पवार गट), डाव्या संघटना आणि शेकाप यांसारख्या विविध विरोधी पक्षांचे नेते व कार्यकर्ते सहभागी झाले होते.

निवडणूक आयोगाने मतदारांच्या याद्यांमधून मोठ्या संख्येने नावे वगळल्याचा (SIR प्रक्रिया) आरोप करत या मोर्चाचे आयोजन करण्यात आले होते. इंडियन एक्सप्रेसने दिलेल्या वृत्तानंतर ज्ञानेश कुमार यांच्या काही निर्णयांवर त्यांच्या सहआयुक्तांनी प्रश्नचिन्ह उपस्थित केले होते. महाराष्ट्रातही सदोष पद्धतीने ही प्रक्रिया सुरू असल्याचा आरोप करत लोकशाही आणि संविधान वाचवण्यासाठी हा मोर्चा काढण्यात आल्याचे सांगण्यात आले.