Uddhav Thackeray : ठाकरे म्हणाले अश्रू नव्हे हे अंगार! नकली संतान टीकेवरून उद्धव ठाकरेंच्या डोळ्यात पाणी…

टीव्ही नाईन मराठीला दिलेल्या मुलाखतीत उद्धव ठाकरे नकली संतान या टीकेवरून भावूक झाले. गुजरात दंगलींनंतर बाळासाहेब ठाकरे यांनी नरेंद्र मोदींना मदत केली होती, त्याच बाळासाहेबांच्या पुत्राला मोदींनी नकली संतान संबोधल्याबद्दल त्यांनी नाराजी व्यक्त केली. बाळासाहेबांनी मातोश्रीतून मोदींना अटलबिहारी वाजपेयींच्या नाराजीपासून वाचवले होते, याची आठवणही त्यांनी करून दिली. या मुलाखतीत उद्धव ठाकरे यांनी देवेंद्र फडणवीस यांच्या मातोश्रीवरील आरोपांनाही प्रत्युत्तर दिले. त्यांनी फडणवीसांना मातोश्रीची बदनामी थांबवण्याचे आवाहन केले, अन्यथा मातोश्रीचे दरवाजे बंदच राहतील असे सूचक विधान केले. अमित शाह यांनी बाळासाहेबांच्या खोलीत मातोश्रीत दिलेला शब्द मोडल्याचेही त्यांनी सांगितले. मुख्यमंत्रीपदाची मागणी शिवसेनेसाठी केली होती, स्वतःसाठी नाही, असेही उद्धव ठाकरे यांनी स्पष्ट केले.