काल पक्ष अन् चिन्ह गेलं, आज ओपन कारवरून भाषण, आता पुढचं पाऊल काय? उद्धव ठाकरे यांनी स्पष्टपणे सांगितलं…

मुंबई : उद्धव ठाकरे यांनी मातोश्री बाहेरून एकनाथ शिंदे आणि त्यांच्या समर्थक आमदारांवर निशाणा साधला. तसंच ठाकरेगटाचं पुढचं पाऊल काय असेल, तेही सांगितलं. उद्या फेसबुक लाइव्ह करेल. निवडणूक आयोगाने काय काय सांगितलं, ते मी विस्ताराने सांगेन. तसंच येत्या काळात आपल्याला बाळासाहेबांचा विचार लोकांपर्यंत पोहोचवण्यासाठी काम करायचंय. निवडणुकांच्या तयारीला लागा, असं उद्धव ठाकरे म्हणाले. काँग्रेस फुटली त्यामुळे चिन्हं गोठवलं. पण दुसरं चिन्हं दिलं नव्हतं. वाद झाला तेव्हा मुख्य चिन्ह आणि नाव दिलं नाही. हा इतिहास आहे. पण पंतप्रधानांच्या गुलाम आयुक्तांनी केलं आहे. लढाई सुरू आहे. माझ्या हातात काही नाही. मी तुम्हाला काही देऊ शकत नाही, असंही ठाकरे म्हणाले.