Vasant More : एवढी मोठी रिस्क शिंदे साहेब घेणार नाही, भाऊंना रात्री Msg केला, मी 100 टक्के धंगेकरांसोबत… वसंत मोरे काय म्हणाले?

वसंत मोरे यांचे रवींद्र धंगेकरांच्या संभाव्य हकालपट्टीबाबत मोठे विधान समोर आले आहे. उपमुख्यमंत्री एकनाथ शिंदे धंगेकरांची हकालपट्टी करतील असे आपल्याला वाटत नाही, असे मोरे यांनी म्हटले आहे. त्यांनी धंगेकरांना कठीण काळात पूर्ण पाठिंबा देण्याचे आश्वासन दिले आहे. रात्री १२ वाजता धंगेकरांना पाठवलेल्या मेसेजमध्ये वसंत मोरे यांनी म्हटले, की “या कठीण काळात मी १००% पुणेकर म्हणून किंवा वैयक्तिक वसंत मोरे म्हणून तुमच्यासोबत असेन.”

भाजपच्या नेत्यांनी रवींद्र धंगेकरांविरोधात मुख्यमंत्र्यांकडे तक्रार केल्यानंतर त्यांच्या हकालपट्टीची चर्चा सुरू झाली आहे. मात्र, एकनाथ शिंदे असे पाऊल उचलणार नाहीत, कारण त्यामुळे पक्षप्रमुख कोण याबद्दल लोकांमध्ये संभ्रम निर्माण होईल, असे मोरे यांचे मत आहे. मोरे यांनी धंगेकरांना शिवसेनेमध्ये घरवापसी करण्याचे आवाहनही केले आहे. आपण ज्याप्रमाणे शिवसेनेत परतलो, त्याचप्रमाणे धंगेकरांनीही शिवसेनेत यावे, जेणेकरून महानगरपालिकेच्या निवडणुका एकत्र चांगल्या पद्धतीने लढता येतील, असे ते म्हणाले. रवींद्र धंगेकर हे शहराचे आमदार असून चार वेळा नगरसेवक राहिले आहेत.