विधानभवन परिसरात दिसणार शिवरायांचा नवा सिंहासनारुढ पुतळा

मुंबई : महाराष्ट्राच्या विधानभवन परिसरातील छत्रपती शिवाजी महाराजांचा सिंहासनारुढ पुतळा बदलण्यात येणार आहे. या पुतळ्यावर काही आमदारांनी आक्षेप नोंदवला होता. त्यानंतर विधीमंडळाकडून पुतळा समितीची स्थापना करण्यात आली आहे. त्यामुळे लवकरच विधान भवनात छत्रपती शिवाजी महाराजांचा नवा पुतळा बसवला जाणार आहे. यासंदर्भात पुतळा समितीची 20 एप्रिलला बैठकही आयोजित करण्यात आली आहे. तर नव्या पुतळ्याची उंचा 9 फुटांनी वाढविण्यात येणार आहे. त्यामुळे लवकरच विधानभवनातील छत्रपती शिवाजी महाराजांचा पुतळा आता नव्या रुपात दिसणार आहे.