Video : राजकीय प्रतिमा परत मिळवण्यासाठी ठाकरे बंधूं…, विखे पाटलांनी साधला निशाणा

राज्याचे मंत्री राधाकृष्ण विखे पाटलांनी ठाकरे बंधूंनी पुकारलेल्या ४ तारखेच्या आंदोलनावर तीव्र शब्दांत टीका केली आहे. निवडणूक आयोगाने एसआरच्या संदर्भात स्पष्टीकरण दिल्याचे विखे पाटलांनी म्हटले. ठाकरे बंधूंचे हे आंदोलन पक्षाची गेलेली प्रतिमा आणि पत पुन्हा मिळवण्यासाठीचा केविलवाणा प्रयत्न आहे, असे विखे पाटलांनी स्पष्ट केले.

विखे पाटील यांच्या मते, सध्या राज्य सरकार दुष्काळाचा सामना करण्यासाठी कटिबद्ध आहे. अशा स्थितीत ठाकरे बंधूंनी राजकारण करण्याऐवजी सरकारसोबत खांद्याला खांदा लावून शेतकऱ्यांना मदत करावी. “जर त्यांनी ही सगळी ताकद राज्याच्या शेतकऱ्यांच्या बरोबर सरकारला खांद्याला खांदा देऊन मदत केली, तर शेतकरी आणि राज्यातला नागरिक त्यांना दुवा देतील,” असे विखे पाटील म्हणाले.

गेलेली राजकीय पत आणि प्रतिमा मिळवण्यासाठी हे मोर्चे आणि आंदोलने काढली जात आहेत, असा आरोप त्यांनी केला. ठाकरे बंधूंनी आपली गेलेली प्रतिमा उजळण्याचा प्रयत्न करण्याऐवजी, राज्यातील जनतेच्या समस्यांवर लक्ष केंद्रित करावे, असे आवाहन विखे पाटलांनी यावेळी केले.