‘मेलेल्याच्या टाळूवर लोणी चाटणारी औलाद म्हणजे…., विनायक राऊत संतापले, दिशा सालियनच्या वडिलांवर गंभीर आरोप!

गणेशोत्सवाच्या निमित्ताने पूजाअर्चा करत असताना शिवसेना (उद्धव बाळासाहेब ठाकरे) नेते विनायक राऊत यांनी विविध राजकीय आणि सामाजिक मुद्द्यांवर भाष्य केले. सर्वप्रथम, त्यांनी उद्धव बाळासाहेब ठाकरे यांच्या कुटुंबियांवरील अरिष्ट दूर व्हावे, अशी गणरायाकडे प्रार्थना केली. दिशा सालियनच्या वडिलांच्या कृतीवर विनायक राऊत यांनी अत्यंत कठोर शब्दांत टीका केली. न्यायालयाची नोटीस डावलून त्यांनी संविधानाची प्रत घेऊन जाणे ही केवळ नौटंकी आणि प्रसिद्धीचा हव्यास असल्याचे राऊत म्हणाले. त्यांनी सालियनच्या वडिलांना मेलेल्याच्या टाळूवरचं लोणी चाटणारी औलाद असे संबोधत, यामागे कोणीतरी असल्याचा संशय व्यक्त केला.

राजकारणातील नालायकपणा आणि फालतूगिरीवर त्यांनी हल्लाबोल केला. दिशा सालियनच्या वडिलांनी न्यायालयाची नोटीस बजावण्याची पद्धत डावलून वकिलांसोहित संविधानाची प्रत घेऊन जाणे, ही केवळ नौटंकी आणि प्रसिद्धीचा हव्यास असल्याचे राऊत यांनी म्हटले. त्यांनी सालियनच्या वडिलांना मेलेल्याच्या टाळूवरचं लोणी चाटणारी औलाद असे संबोधत, यामागे कोणीतरी त्यांना फूस लावत असल्याचा संशय व्यक्त केला.