‘महिला आरक्षण विधेयक म्हणजे पोस्ट डेटेड चेक’, या महिला खासदारांनी केली मोदी यांच्यावर टीका

परभणी : 24 सप्टेंबर 2023 | संसदेच्या दोन दिवसीय विशेष अधिवेशनात महिला आरक्षणाचे विधेयका मांडण्यात आले. लोकसभा आणि राज्यसभा या दोन्ही सभागृहात महिला आरक्षणाचे विधेयकावरून पास झाले. मात्र, या महिला विधेयकावरून राष्ट्रवादी महिला काँग्रेसच्या राष्ट्रीय अध्यक्षा (शरद पवार गट) आणि राज्यसभेतील खासदार फौजिया खान यांची केंद्र सरकारवर जोरदार टीका केलीय. 21 तारखेला महिला आरक्षण बिल पास करण्यात आले पण हातात काही नाही. कायदा झाला पण त्याची अंमलबजावणी सुरु झाली पाहिजे, असे त्या म्हणाल्या. पोस्ट डेटेड चेक असतो त्यासारखे हे आहे. 2029 मध्ये होईल की त्याच्यापुढे होईल हे काहीच सांगता येत नाही. कारण, त्याची प्रोसेस खूप आहे. मग इतका गाजावाजा कशासाठी झाला? विशेष अधिवेशन बोलविण्यात आले. राष्ट्रपती यांना बोलविले नाही. पण, चित्रपट सृष्टीचे कलाकार बोलवून इव्हेंट मॅनेजमेंट करण्यात आले. मग हे काय चित्र दाखवायचे होते अशी टीका त्यांनी केली. डिसेंबरमध्ये महिला आरक्षण विधेयकाला लागू करा अशी मागणीही त्यांनी केली.