Royal Enfield ला मोठी टक्कर, Triumph आणत आहे 350CC ची बाईक, केव्हा होणार लाँच ?

Triumph Motorcycles ने एप्रिल २०२६ पर्यंत ३५० सीसीहून कमी क्षमतेच्या नव्या मोटरसायकलची नवी रेंज सादर करु शकते. अनेक बातम्यांनुसार हा ब्रिटीश ब्रँड सध्याच्या ३९८ सीसी प्लॅटफॉर्मवर आधारित एक एकदम नवीन ३५० सीसी इंजिन विकसित करत आहे. मात्र, कंपनी नव्या मॉडेल्ससह सध्याच्या ४०० सीसी मोटरसायकलची रेंज देखील उतरवणार की नाही हे मात्र स्पष्ट झालेले नाही.

कंपनी नवे इंजिन विकसित करत आहे

बातम्यानुसार भारताची सुधारित जीएसटी कर रचना ध्यानात घेत बजाज ऑटो, केटीएम आणि ट्रायम्फ मिळून या नव्या इंजिनाची निर्मिती करत आहेत. गेल्या वर्षी सरकारने एक नवीन कर निती लागू केली होती, ज्याअंतर्गत ३५० सीसीहून कमी क्षमतेच्या मोटरसायकलींवर जीएसटी घटवून १८ टक्के केला होता. तर ३५० सीसीहून अधिक क्षमतेच्या मॉडेल्सवर आता ४० टक्क्यांहून जास्त कर लागू करण्यात आला आहे.

रॉयल एनफील्डशी मुकाबला

या बदलाचा फटका रॉयल एनफील्ड, बजाज, ट्रायम्फ मोटरसायकल आणि केटीएम सहित मिड-कॅपेसिटी सेगमेंटमध्ये काम करणाऱ्या कंपन्यांना बसला आहे.सध्या बजाज ऑटो डोमिनार ४०० आणि पल्सर एनएस ४०० सारख्या मॉडेल्स विकते. मात्र ट्रायम्फ स्पीड ४०० आणि स्क्रॅम्बलर ४०० एक्स पेश करते. तर केटीएम ड्यूक ३९०, आरसी ३९० आणि एडवेंचर ३९० रेंजच्या मोटरसायकली बाजारात विकते.

या नव्या मोटरसायकल्स एप्रिल २०२६ मध्ये बाजारात येऊ शकतात. इंजिनाची क्षमता कमी असल्याने सध्या ४०० सीसी मॉडेल्सच्या तुलनेत पॉवर आणि टॉर्कमध्ये किरकोळ घसरण येण्याची शक्यता आहे. मात्र, डिझाईन, फिचर्स, चेसिस कंपोनेंट्स आणि रायडिंग डायनामिक्समध्ये जास्त बदल होणार नसल्याचा दावा केला जात आहे.

ब्रँडची सर्वात स्वस्त उत्पादन

ट्रायम्फची ४०० सीसी मोटरसायकल आताच्या काळातही ब्रँडचे सर्वात स्वस्त बाईक असून घरगुती आणि आंतरराष्ट्रीय दोन्ही बाजारात तिचे प्रदर्शन खूप चांगले राहिले आहे. ३५० सीसीहून कमी क्षमतेच्या व्हेरिएंटची सुरुवातीमुळे या ब्रँडच्या आणखी प्रसिद्धी होऊ शकते.

ट्रायम्पचा इतिहास आणि ब्रँडची ओळख रॉयल एनफिल्डसारखा प्रचंज मजबूत आहे. जर कंपनी ३५० सीसीहून कमी इंजिन क्षमतेच्या बाईक स्वस्तात लाँच करत असेल तर येत्या काळात बाजारातील स्पर्धा आणखी वेगवान होऊ शकते. यामुळे या सेगमेंटचे चित्र बदलू शकते.