मार्चमध्ये ऑटो कंपन्यांची धमाल, जाणून घ्या ह्युंडाई, टोयोटा आणि एमजी मोटरची किती झाली विक्री

नवी दिल्ली : वाहन कंपन्यांच्या उद्योगात मार्च महिन्यात प्रचंड वाढ केली आहे. यावेळी कंपन्यांनी विक्रमी विक्रीची नोंद केली आहे. मारुती सुझुकी, टाटा मोटर्स, ह्युंडाईसह सर्व कंपन्यांनी विक्रीचा डेटा सादर केला आहे. जाणून घ्या मार्च महिन्यात कोणत्या कंपनीने किती वाहने विकली आहेत. एमजी मोटर इंडियाने मार्चमध्ये 5,528 युनिट्सची विक्री नोंदविली होती, जी जोरदार मागणीसह सर्वाधिक मासिक विक्री आहे. गतवर्षी मार्चमध्ये कंपनीने 1,518 वाहनांची विक्री केली होती, जेव्हा कोविड-19 मुळे लॉकडाऊनचा परिणाम सेलवर झाला होता. या वर्षी मार्चमध्ये कंपनीने म्हटले आहे की कंपनीने एसयुव्ही(SUV) हेक्टर आणि झेडएस ईव्ही(ZS EV) दरम्यान सर्वाधिक विक्री केली. एमजी मोटर इंडियाने एका निवेदनात म्हटले आहे की, निरंतर स्पीडसह, कार उत्पादकाकडे बहुतेक मॉडेल्ससाठी आता 2-3 महिन्यांचा वेटिंग कालावधी आहे. (Auto companies’ strong sales in March, Hyundai, Toyota and MG Motor sold a lot in March)

विक्रीबाबत भाष्य करताना एमजी मोटर इंडियाचे विक्री संचालक राकेश सिदाना म्हणाले की, “मार्च 2021 मध्ये नोंदवलेली सर्वात जास्त मासिक विक्री आमच्या उत्पादनासाठी सुरू असलेल्या स्पीडसोबत खूपच उत्साहवर्धक आहे.” ते म्हणाले की, हेक्टरला महिन्यात 6,000 हून अधिक बुकिंग्ज मिळाली, प्रीमियम एसयुव्ही ग्लेस्टरने प्रीमियम एसयुव्ही विभागातील प्रगती सुरू ठेवली आहे.

ह्युंडाईने केली 64,621 युनिट्सची विक्री

मार्च महिन्यात एकूण 64,621 वाहनांची विक्री झाल्याचे ह्युंडाई मोटर इंडियाने गुरुवारी सांगितले. ऑटोमेकरने गेल्या वर्षी याच महिन्यात 32,279 वाहने पाठवली होती. गेल्या महिन्यात कंपनीची देशांतर्गत विक्री 52,600 युनिट होती. मार्च 2020 मध्ये, विक्री आणि उत्पादन कार्यातील अडचणीमुळे 26,300 वाहने पाठविली गेली. गेल्या महिन्यात निर्यात 12,021 युनिट होती. मार्च 2020 मध्ये कंपनीने 5,979 युनिट्स पाठवली. ह्युंडाई मोटर इंडियाचे संचालक (विक्री, विपणन आणि सेवा) तरुण गर्ग यांनी दिलेल्या निवेदनात म्हटले आहे की, “मार्च 2021 मध्ये 64,621 युनिटची विक्री झाल्याने कंपनीने गेल्या काही महिन्यांत विक्रीची गती आणखी वाढवली आहे.

टोयोटा किर्लोस्कर मोटरने 15,001 वाहने विकली

टोयोटा किर्लोस्कर मोटरने (टीकेएम) मार्चमध्ये एकूण 15,001 वाहने विकली आहेत. देशात 2013 नंतर मार्च महिन्यात सर्वाधिक विक्री नोंदवली गेली. कोविड-19 महामारीमुळे देशभरात लॉकडाऊन दरम्यान मार्च 2020 मध्ये ऑटोमेकरने 7,023 वाहनांची विक्री केली. यावर्षी फेब्रुवारीमध्ये कंपनीने 14,075 युनिटची आकडेवारी नोंदविली.

टीकेएमचे वरिष्ठ उपाध्यक्ष नवीन सोनी यांनी दिलेल्या निवेदनात म्हटले आहे की, “मागील तिमाहीत कंपनीची सेल कामगिरी तिसऱ्या तिमाहीच्या (ऑक्टोबर – डिसेंबर 2021) च्या सणासुदीच्या विक्रीपेक्षा चांगली होती.” 2021 च्या फेब्रुवारीच्या विक्रीच्या तुलनेत आम्ही मार्च 2021 मध्ये देशांतर्गत विक्रीत 7 टक्के वाढ नोंदवत आहोत. ”

आयशर मोटर्सने केली 7,037 कारची विक्री

आयशर मोटर्सने मार्च 2021 मध्ये सहाय्यक कंपनी व्हीई कमर्शियल व्हेईकल्स (व्हीईसीव्ही) साठी एकूण 7,037 युनिट्सची विक्री केली. मागील वर्षी मार्चमध्ये कोविड-19 मुळे झालेल्या लॉकडाऊनमुळे व्हीईसीव्हीने एकूण 1499 वाहनांची विक्री केली होती. आयशर ब्रँडेड ट्रक व बसेसने यावर्षी मार्च महिन्यात एकूण 6,870 वाहनांची विक्री नोंदविली. गेल्या वर्षी याच महिन्यात ही आकडेवारी 1,476 वाहनांची होती. गेल्या महिन्यात, आयशरच्या ट्रक व बसेसची देशांतर्गत विक्री 6,054 वाहनांची होती, त्या तुलनेत 2020 मध्ये याच महिन्यात विक्री झालेल्या 1,409 वाहनांची विक्री झाली. आयशर ट्रक आणि बसेसने गेल्या महिन्यात 816 वाहनांची निर्यात केली. गेल्या वर्षी याच कालावधीत ही विक्री 67 युनिट होती.

टाटा आणि मारुतीनेही केली धमाल

टाटा मोटर्सने मार्च महिन्यात देशांतर्गत बाजारात एकूण 66,609 वाहनांची विक्री केली आहे. गेल्या वर्षी याच महिन्यात ऑटो मेजरने 11,012 कारची विक्री केली होती. कंपनीने आपल्या व्यावसायिक वाहन व्यवसायातही वाढ नोंदविली आहे. टाटाने गेल्या महिन्यात एकूण 40,609 व्यावसायिक वाहनांची विक्री केली. त्याच वेळी कंपनीने मार्च 2020 मध्ये लॉकडाऊनने प्रभावित 7,123 युनिट्स पाठविली. देशातील सर्वात मोठी कार उत्पादक मारुती सुझुकी इंडियाचा (एमएसआय) जलवा देखील सुरु आहे. मार्चमध्ये मारुती सुझुकीने एकूण 1,67,014 कारची विक्री केली आहे. हा आकडा अल्पावधीत विभागला तर कंपनीने दररोज सुमारे 5,387 मॉडेल्सची विक्री केली आहे, म्हणजेच कंपनीची विक्री दर तासाला सुमारे 225 युनिट्सची आहे. (Auto companies’ strong sales in March, Hyundai, Toyota and MG Motor sold a lot in March)

Ratris Khel Chale 3 | ‘शेवंता परत कधी येणार?’ तुम्हालाही जाणून घ्यायचंय उत्तर? मग, लगेचच फोनचा ब्राईटनेस वाढवा!#ratriskhelchale3 | #Shevanta | #Entertainment https://t.co/qE8zXpandv

— TV9 Marathi (@TV9Marathi) April 1, 2021

Gold Silver Price Today : आर्थिक वर्षाच्या पहिल्या दिवशी सोने चांदीच्या किंमती वाढल्या, वाचा आजचे ताजे दर

इन्स्टाग्रामने आपल्या रील्समध्ये जोडले टिकटॉकचे हे दमदार फिचर, असा करु शकता वापर