या 7 सीटर कारवर मिळतोय 1.65 लाख रुपयांचा डिस्काउंट, खरेदीसाठी शोरुममध्ये गर्दी, किंमत…

दिवाळीच्या सणानिमित्त नवीन SUV खरेदी करण्याचा विचार करत असाल, तर ग्राहकांसाठी आनंदाची बातमी आहे. वाहन कंपन्यांकडून अनेक लोकप्रिय SUV मॉडेल्सवर आकर्षक फेस्टिव्ह डिस्काउंट दिले जात आहेत. यामध्ये Jeep Meridian, Citroen Aircross X आणि Mahindra Scorpio-N च्या निवडक व्हेरिएंट्सवर लाखो रुपयांपर्यंत सूट मिळत आहे. याशिवाय Hyundai Alcazar, Tata Safari आणि Mahindra Scorpio Classic वरही विशेष ऑफर्स उपलब्ध आहेत.

Jeep Meridian

या दिवाळीत तीन-रो SUV सेगमेंटमध्ये Jeep Meridian वर सर्वाधिक डिस्काउंट मिळत आहे. निवडक व्हेरिएंट्सवर ग्राहकांना 1.65 लाख रुपयांपर्यंत फायदे मिळू शकतात. 2024 च्या स्टॉकवर 1.30 लाख रुपयांपर्यंत कॉर्पोरेट ऑफर आणि डॉक्टर तसेच लीजिंग कंपन्यांसाठी 30 हजार रुपयांपर्यंत अतिरिक्त लाभ दिले जात आहेत. तिची किंमत 23.33 लाख ते 38.26 लाख रुपये आहे.

Citroen Aircross X

Citroen Aircross X वर दिवाळीनिमित्त 1.55 लाख रुपयांपर्यंतचे फायदे दिले जात आहेत. ही SUV 5 आणि 7-सीटर पर्यायांमध्ये उपलब्ध आहे. बजेटमध्ये 7-सीटर SUV शोधणाऱ्या ग्राहकांसाठी हा चांगला पर्याय ठरू शकतो. या कारची एक्स-शोरूम किंमत 8.89 लाख रुपयांपासून सुरू होऊन 14.52 लाख रुपयांपर्यंत जाते.

Mahindra Scorpio-N

महिंद्राच्या लोकप्रिय Scorpio-N वरही आकर्षक दिवाळी ऑफर्स मिळत आहेत. डिझेल ऑटोमॅटिक Z8L आणि Z8T 4WD व्हेरिएंट्सवर 1.50 लाख रुपयांपर्यंत सूट उपलब्ध आहे. Z8L पेट्रोल व्हेरिएंटवर 50 हजार रुपयांपर्यंत बचत करता येते. तर Z2, Z4 आणि Z6 व्हेरिएंट्सवर 25 हजार रुपयांपर्यंत एक्सचेंज ऑफर आणि 25 हजार रुपयांपर्यंत मोफत अ‍ॅक्सेसरीज दिल्या जात आहेत.

ऑफर्स घेण्यापूर्वी या गोष्टी लक्षात ठेवा

या सर्व दिवाळी ऑफर्स शहर, डीलर, उपलब्ध स्टॉक आणि व्हेरिएंटनुसार बदलू शकतात. तसेच कॅश डिस्काउंट, स्क्रॅपेज बोनस, एक्सचेंज आणि कॉर्पोरेट ऑफर्सच्या अटी वेगवेगळ्या असू शकतात. त्यामुळे SUV खरेदी करण्यापूर्वी जवळच्या अधिकृत डीलरकडून अंतिम ऑन-रोड किंमत आणि लागू असलेल्या सर्व सवलतींची माहिती घेणे फायदेशीर ठरेल.