BMWची ढाँसू स्कूटर करणार सगळ्या ब्रँडची सुट्टी! लवकरच भारतात होणार लाँच

मुंबई : बीएमडब्ल्यू मोटार इंडियाने (BMW Motorrad India) एक नवीन स्कूटर जाहीर केली आहे. जिचे वर्णन या ब्रँडची भारतातील पहिली मॅक्सी-स्कूटर (Maxi-Scooter) असे केले गेले आहे, जी लवकरच बाजारात दाखल होणार आहे. बीएमडब्ल्यू मोटारॅड इंडियाने स्कूटरचे नाव अद्याप जाहीर केलेले नाही. परंतु, मध्यम अहवालांनुसार ही नवीन मॅक्सी-स्कूटर त्यांच्या जागतिक पोर्टफोलिओमधील दोन मध्यम आकाराच्या मॅक्सी-स्कूटरपैकी एक असेल.

बीएमडब्ल्यू मोटाराडच्या पोर्टफोलिओमध्ये बीएमडब्ल्यू सी 400 एक्स आणि बीएमडब्ल्यू सी 400 जीटी समाविष्ट आहेत, ज्या या वर्षाच्या सुरुवातीस अपडेट केल्या गेल्या होत्या. या दोन्ही स्कूटर 350 सीसी प्लॅटफॉर्मवर आधारित असून, भारतात येणारी मॅक्सी-स्कूटर बीएमडब्ल्यू सी 400 जीटी असू शकतो. 2021साठी, 350 सीसी इंजिनला (ज्यामध्ये सिंगल सिलेंडर आहे आणि लिक्विड-कूल्ड आहे) आता एक नवीन ‘ई-गॅस’ सिस्टम असणार आहे, जी मूलत: अपडेटेड थ्रोटल-बाय-वायर सिस्टम आहे. तसेच एक अपडेटेड इंजिन मॅनेजमेंट प्रणाली आहे.

या व्यतिरिक्त, एक्झॉस्ट सिस्टमला नवीन स्वरूप देण्यात आले आहे आणि नवीन कॅलिस्ट कन्व्हर्टर आणि सुधारित सिलेंडर हेडसह एक नवीन ऑक्सिजन सेन्सर देखील मिळतो, जो स्कूटरला युरो व्ही उत्सर्जनाच्या नियमांचे पालन करण्यास मदत करतो. इंजिन 5,750 आरपीएम वर 35 बीएचपीची उर्जा 35 एनएम पीक टॉर्कसह 7500 आरपीएमवर 33.5 आरपीएम पॉवर उत्पन्न करते. दोन्ही स्कूटरला सीव्हीटी गिअरबॉक्सने अपडेट केले गेले आहे. नवीन क्लच स्प्रिंग्समुळे वेगवान थ्रॉटल रिअॅक्शनसह समुद पॉवर डिलिव्हरी होते.

बीएमडब्ल्यू सी 400 जीटीच्या नव्या अपडेटमध्ये सुधारित ऑटोमॅटिक स्टेबिलिटी कंट्रोल (एएससी) देखील समाविष्ट आहे, जे आता अधिक संवेदनशील आहे आणि लो-ट्रॅक्शन पृष्ठभागांवर अधिक क्रेक्शन मिळविण्यात मदत करते. दोन्ही बीएमडब्ल्यू स्कूटरची टॉप स्पीड 139 किमी प्रतितास आहे आणि बीएमडब्ल्यूच्या मते, 2021च्या नव्या अपडेटमध्ये नवीन ब्रेक देखील असतील. लॉन्च झाल्यावर या बीएमडब्ल्यू सी 400 जीटी प्रीमियमची किंमत 6 लाख रुपयांच्या (एक्स-शोरूम) वर असू शकते.

(BMW motorrad launching india’s first maxi scooter soon)

हेही वाचा :

टाटा टियागोच्या या नवीन व्हेरिएंटमध्ये लावू शकता हजारो रुपयांचा टचस्क्रीन इन्फोटेनमेंट, फिचर्सही जबरदस्त

फोर्ड ग्राहकांना धक्का, कंपनी भारतीय मॅन्युफॅक्चरिंग ऑपरेशन्स बंद करण्याच्या विचारात