सूर्य ओकतोय आग नि कारच्या AC ने तोडला दम, चिडचिड करुन उपयोग काय, हा उपाय तर करा

देशातील अनेक भागात मे ते जून महिन्यात भंयकर उन्हाळा असतो. सूर्य आग ओकतो. याच काळात सुट्यांचा रतीब असल्याने अनेकदा कोणत्या ना कोणत्या कार्यक्रमामुळे कुटुंबासह बाहेर पडावे लागते. अशा भयंकर उन्हात एअर कंडिशनर काम करत नसेल तर मोठी अडचण उभी ठाकते. कारचा एसी काम करत नसेल तर या टिप्स तुम्हाला उपयोगी पडू शकतील.

कारमध्ये करु नका प्री-कुलिंग

कारमध्ये बसण्यापूर्वीच अनेक जण कारचा एसी सुरु ठेवतात. त्यांना वाटतं आतून कार चिल्ड होईल. पण असू करु फार काही पदरात पडत नाही. जेव्हा तुम्ही कार चालवत असाल तेव्हाच एअर कंडिशनर उपयोगी पडते. कार जितक्या वेगाने धावेल, एसी पण तसाच जोरात काम करेल. AC चे कंप्रेसर काम करेल आणि कार थंड होईल.

कारची खिडकी उघडा

कार सुरु केल्यावर एसी सुरु करा. कारच्या खिडक्या काही सेकंदा करीता उघड्या करा. त्यामुळे कारमधील उष्ण हवा बाहेर पडण्यास मदत होईल. तर एसी सुरु झाल्याने आतील भाग लवकरच थंड होण्यास मदत होईल. आतील उष्ण हवा तशीच राहिल्यास एसीचा प्रभावी परिणाम दिसायला वेळ लागू शकतो.

AC चे तापमान ठेवा कमी

AC चे तापमान कमी ठेवा. त्यामुळे एअर-कंडिशनिंग चांगली होईल. एसीचा पंखा योग्यरित्या कुलिंग करेल. तर इंधनाची पण मोठी बचत होईल. साधारणपणे AC सिस्टिममध्ये 38 डिग्री सेल्सियसवर हवा थंड होण्याची प्रक्रिया सुरु होते. जर तुम्ही या एसीचे तापमान वाढवले तर त्यामुळे सिस्टिमवर दबाव येतो. त्यामुळे थंड हवा पुन्हा गरम होऊन येते. अथवा थंडव्याची क्षमता कमी होते.

AC फिल्टर ठेवा स्वच्छ

कारच्या AC चे फिल्टर स्वच्छ ठेवणे आवश्यक आहे. कार केबिनच्या एअर फिल्टर तपासा. जर हे स्वच्छ नसेल तर लगेच बदला. फिल्टर अस्वच्छ झाल्यास स्वच्छ हवा कारच्या आत येत नाही. कार नवीन असेल तर हे फिल्टर तपासणे अधिक सोयीस्कर असते.