Mahindra Scorpio : नवीन स्कॉर्पियोचे धमाकेदार सेफ्टी फीचर्स… Global NCAP वर किती रेटींग मिळणार?
महिंद्राच्या सर्वाधिक विकल्या जाणार्या एसयुव्ही सेगमेंटमधील एक मॉडेल म्हणजे स्कॉर्पियो आहे. कंपनी याचे नवीन मॉडेल जूनमध्ये लाँच करण्याची शक्यता वर्तविण्यात येत आहे.
मुंबई : भारताच्या एसयुव्ही बाजारात एकहाती राज्य करणाऱ्या महिंद्रा स्कॉर्पियोचे (mahindra scorpio) नवीन मॉडल लवकरच बाजारात दाखल होणार आहे. नवीन स्कॉर्पियो एक नवीन डिझाईनसह बाजारात येत आहे. कंपनीने केवळ आकर्षक लूकवरच फोकस केलाय, असं नाही. तर वापकर्त्याच्या सेफ्टीचाही (safety) पूर्णपणे विचार करण्यात आला आहे. नुकत्याच मिळालेल्या एका माहितीनुसार, कदाचित महिंद्रा स्कॉर्पियोला Global NCAP 5 रेटिंग (rating) मिळण्याची शक्यता वर्तविण्यात येत आहे. यामुळे युर्जसच्या सुरक्षेचीही पूर्ण काळजी घेतलेली दिसून येत आहे. स्कॉर्पियोचे हे नवीन मॉडल जूनपर्यंत दाखल होणार आहे.
सुरक्षेची पूर्ण खबरदारी
नवीन स्कॉर्पियोच्या एका टीझरमध्ये युजर्सच्या सेफ्टीबाबतची माहिती समोर आली आहे. टीझर पाहिल्यावर लक्षात येते की, कदाचित महिंद्रा स्कार्पियोला Global NCAP 5 रेटिंग मिळण्याची शक्यता आहे. जर असे झाले तर नवीन स्कार्पियो वापरकर्त्यांसाठी सर्वाधिक सेफ्टी एसयुव्ही सिध्द होणार आहे.
काय आहेत स्पेसिफिकेशन्स?
स्कॉर्पियोच्या नवीन मॉडलच्या स्पेसिफिकेशन्सवर बोलायचे झाल्यास, या एसयुव्हीत ड्युअल बॅरेल हॅलोजनमध्ये हेडलँप देण्यात आलेले आहेत. नवीन स्कॉर्पियोचे इंटीरियर संपूर्णत: बदललेला दिसून येणार आहे. स्कॉर्पियोचे अपकमिंग मॉडेलचे इंटीरियर ड्युअल कलर टोनमध्ये येईल. याची थीम ब्लॅक/ब्राउन कलरमध्ये असेल. दरम्यान, फीचर्सबाबत बोलायचे झाल्यास महिंद्राच्या नवीन स्कॉर्पियोमध्ये अनेक आकर्षक फीचर्स देण्यात आलेले आहेत. यात युजर्सना DRL, वायरलेस Android Auto, Apple CarPlay आणि Alexa चा सपोर्ट देण्यात आला आहे. या शिवाय युजर्सना डिजिटल डिसप्लेदेखील मिळणार आहे, ज्यात टायर प्रेशर, दरवाजा उघडा आहे की बंद याबाबच्या सूचना, सीट बेल्ट सारखे अलर्ट मिळणार आहेत.
किंमत काय असेल?
नवीन स्कॉर्पियोला 2.2 लीटर डिझेल आणि 2 लीटर टर्बो-पेट्रोल इंजीनसोबत लाँच करण्यात येणार आहे. याशिवाय युजर्सना मॅन्यूअल आणि ऑटोमॅटिक असे दोन्ही व्हेरिएंट मिळणार आहे. याशिवाय महिंद्रा इलेक्ट्रिक सनरुफ, नवीन गिअर लीवर आणि स्टीयरिंग माउंटेड कंट्रोलदेखील मिळणार आहे. याची सुरुवातीची एक्सशोरुम किंमत 10 लाख रुपयांपेक्षा जास्त असणार आहे.
