स्वस्तात TVS Apache खरेदीची संधी, 10 हजारांच्या डिस्काऊंटसह घरबसल्या स्पोर्ट्सबाईक खरेदी करा

तुम्ही स्वत: साठी चांगली बाईक शोधत असाल तर 10,000 रुपयांपर्यंतच्या सवलतीत लोकप्रिय स्पोर्ट बाइक Apache RTR 200 खरेदी करण्याची एक उत्तम संधी तुम्हाला मिळत आहे.

TVS Apache

TV9 मराठी डिजीटल टीम | Edited By: अक्षय चोरगे, टीव्ही 9 मराठी डिजीटल टीम | Updated on: Jun 15, 2021 | 3:48 PM

मुंबई : तुम्ही स्वत: साठी चांगली बाईक शोधत असाल तर 10,000 रुपयांपर्यंतच्या सवलतीत लोकप्रिय स्पोर्ट बाइक Apache RTR 200 खरेदी करण्याची एक उत्तम संधी तुम्हाला मिळत आहे. यात टीव्हीएस मोटर्सकडून (TVS Motors) ऑनलाइन बुकिंगवर 5 टक्क्यांपर्यंत किंवा जास्तीत जास्त 5000 रुपयांपर्यंतचा कॅशबॅक देण्यात येत आहे. याशिवाय फायनान्स स्कीम अंतर्गत 10,000 रुपयांपर्यंतचा कॅशबॅक दिला जात आहे. (perfect time to buy TVS Apache RTR 200 sportbike with discount up to 10000 rs)

TVS Apache RTR 200 बाईकची एक्स शोरूम किंमत 1.29 लाख रुपये इतकी आहे. गेल्या वर्षी कंपनीने या बाईकचे BS-6 मॉडल लाँच केले होते. या सेगमेंट मध्ये ही एकमेव अशी बाइक आहे. ज्यात मल्टिपल रायडिंग मोड्स सोबत अॅडजस्टेबल सस्पेंशन मिळते. यामध्ये BS6 कम्पलायंट 197.75cc क्षमतेचं ऑयल-कूल्ड फ्यूल इंजेक्टेड इंजिन देण्यात आलं आहे. जे 20.54bhp दमदार पॉवर आणि 17.25Nm टॉर्क जनरेट करतं.

डबल-क्रॅडल स्पलिटी फ्रेमवर बेस्ड असलेली ही बाइक तिच्या दमदार परफॉर्मन्ससाठी प्रसिद्ध आहे. या बाईकचं इंजिन 5 स्पीड गियरबॉक्ससह येतं. TVS Apache RTR 200 4V BS6 मध्ये ग्लाइड थ्रू टेक्नोलॉजी (जीटीटी प्लस) एलईडी हेडलॅम्प, स्लिपर क्लच, ब्लूटूथ इनेबल्ड स्मार्टकनेक्ट सिस्टम आणि रियर रेडियल टायर देण्यात आले आहेत.

इतर फीचर्स

या बाईकच्या इतक फिचर्सविषयी बोलायचे झाल्यास यामध्ये फ्रंटला टेलिस्कोपिक फॉर्क आणि मागील बाजूस मोनोशॉक सस्पेंशन देण्यात आलं आहे. ब्रेकिंग सिस्टमबद्दल सांगायचं तर याच्या फ्रंटला 270mm सिंगल वेवी डिस्क ब्रेक आणि रियर व्हीलमध्ये 240mm डिस्क ब्रेक आहे. ही बाईक सिंगल चॅनेल आणि ड्युअल चॅनल एबीएससह सादर करण्यात आली आहे.

Triumph Trident 660 ची भारतात डिलीव्हरी सुरु, जाणून घ्या किंमत आणि फीचर्स#Triumph #Trident660 #TriumphTrident660 https://t.co/aQsTPxXGqm

— TV9 Marathi (@TV9Marathi) June 14, 2021