Tata ची नवीन मायक्रो SUV Punch क्रॅश टेस्टमध्ये पास की नापास, जाणून घ्या किती सुरक्षित आहे कार?

टाटा मोटर्सने (Tata Motors) गुरुवारी जाहीर केले की, त्यांनी नुकतीच सादर केलेली मायक्रो एसयूव्ही टाटा पंचला ग्लोबल एनसीएपी कडून प्रौढांच्या सुरक्षिततेसाठी (Adult Safety) 5-स्टार रेटिंग मिळालं आहे.

Tata ची नवीन मायक्रो SUV Punch क्रॅश टेस्टमध्ये पास की नापास, जाणून घ्या किती सुरक्षित आहे कार?
Tata Punch

मुंबई : टाटा मोटर्सने (Tata Motors) गुरुवारी जाहीर केले की, त्यांनी नुकतीच सादर केलेली मायक्रो एसयूव्ही टाटा पंचला ग्लोबल एनसीएपी कडून प्रौढांच्या सुरक्षिततेसाठी (Adult Safety) 5-स्टार रेटिंग (16.453) आणि लहान मुलांच्या सुरक्षिततेच्या बाबतीत 4-स्टार रेटिंग (40.891) प्राप्त झाले आहे. जानेवारी 2020 मध्ये अल्ट्रॉझ आणि डिसेंबर 2018 मध्ये नेक्सॉन नंतर टॉप सुरक्षा रेटिंग मिळवणारे नवीन पंच हे टाटाचे तिसरे वाहन आहे. (Tata Punch achieves 5-star rating in latest Global NCAP crash test)

ही कार रस्त्यावर येण्यापूर्वी तिच्या फीचर्समुळे लोकांमध्ये लोकप्रिय होत आहे. या कारमध्ये केवळ चांगला ग्राउंड क्लिअरन्सच नाही तर ब्रेकिंग सिस्टीमपासून ते डोर ओपनिंगपर्यंत अनेक उत्तम फीचर्स देण्यात आले आहेत. सोशल मीडियापासून मेन स्ट्रीम मीडियापर्यंत सर्वत्र या कारबद्दल बरीच चर्चा सुरु आहे. या कारच्या फीचर्सबद्दल लोकांमध्ये उत्सुकता आहे. चला तर मग टाटाच्या या नव्या कारबद्दल जाणू घेऊया.

टाटाची ही कार एमएमटी ट्रांसमिशन पर्यायासह उपलब्ध असेल, ज्यांना ऑटोमँटिक ट्रान्समिशन कार हवी असणाऱ्यांसाठी हा एक चांगला पर्याय सिद्ध होईल. ही कार टाटा टियागोपेक्षा मोठी असेल. कंपनी 20 ऑक्टोबर रोजी टाटा पंचची किंमत आणि इतर माहिती जारी करेल. दरम्यान, कार निर्मात्या कंपनीने आपल्या सोशल मीडिया चॅनल्सवर एक पोस्ट शेअर केली आहे, ज्यात म्हटले आहे की, पंचचे दरवाजे 90 अंशांच्या कोनात उघडतील. या सुविधेमुळे लोकांना वाहनातून आत किंवा बाहेर जाणे सोपे होईल.

कशी आहे नवी टाटा पंच

नवीन टाटा पंच ALFA-ARC (Agile Light Flexible Advanced Architecture) वर बनवलेली पहिली SUV असेल आणि भारतातील Nexon subcompact SUV च्या खाली असेल. पंचमध्ये कंपनीच्या इम्पॅक्ट 2.0 डिझाइन लँग्वेजचा वापर करण्यात आला आहे. ही कार आक्रमक स्टायलिंग लूकसह येते. टाटा मोटर्सने आधीच निळ्या आणि ड्युअल-टोन रंगाचे पर्याय जाहीर केले आहेत आणि सिंगल टोन रंगांसह आणखी दोन-टोन पर्याय उपलब्ध होण्याची अपेक्षा आहे. “सणासुदीच्या काळात ही कार नॅशनल लाँचिंगसाठी सज्ज आहे. टाटा मोटर्सने एका निवेदनात म्हटले आहे की, स्पोर्टिंग डायनॅमिक्ससह टफ यूटिलिटीचं मिश्रण या कारमध्ये पाहायला मिळेल.

टाटा मोटर्सने पुष्टी केली आहे की, पंच आपल्या प्रतिस्पर्ध्यांच्या अपोझिट जॅक-अप हॅचबॅकपेक्षा अधिक श्रेष्ठ असेल आणि या एसयूव्हीमध्ये अनेक दमदार फीचर्स असतील. कंपनीने सूचित केले आहे की, या कारमध्ये काही सेगमेंट-फर्स्ट फीचर्स मिळतील जसे की, ट्रॅक्शन मोड (सँड, रॉक, मड), हिल डिसेंट कंट्रोल आणि हिल स्टार्ट असिस्ट, तसेच एसयूव्ही क्रेडेन्शियलसारखे काही सेगमेंट-फर्स्ट फीचर्स मिळतील. ही कार पुढच्या बाजूला 185 मिमीच्या हाय ग्राउंड क्लिअरन्स आणि 16 इंच अलॉय व्हीलसह येईल.

आकर्षक डिझाईन

टाटाच्या सिग्नेचर स्प्लिट लायटिंग डिझाइनसह या कारचा फ्रंट एंड आक्रमक आहे. टाटा लोगोमधील काळ्या पॅनेलमध्ये ट्राय-अॅरो पॅटर्न देखील आहे, ज्याभोवती एलईडी डे-टाइम रनिंग लँप आहे. तर मुख्य हेडलॅम्प युनिट्स खाली स्थित आहेत, जे प्रोजेक्टर लाइटसह येतील. समोरचा बहुतेक भाग जड कव्हरने झाकलेला आहे आणि त्याला एक मोठा ट्राय-अॅरो डिझाईन ग्रिल आणि मोठे गोल फॉग लॅम्प मिळतात.

दमदार इंजिन

कंपनीने पंचचे स्पेसिफिकेशन्स उघड केले नाहीत, तथापि, काही वृत्तांमध्ये दावा करण्यात आला आहे की, नवीन पंच 1.2-लीटर रेवोट्रॉन पेट्रोल इंजिनसह येईल, जे Altroz ​​प्रीमियम हॅचबॅकला पॉवर देतं. पेट्रोल मिल 85 बीएचपी पॉवर आणि 113 एनएम पीक टॉर्क जनरेट करते. हे 5 स्पीड मॅन्युअल गिअरबॉक्स स्टँडर्ड आणि पर्यायी AMT युनिटसह येण्याची शक्यता आहे. लॉन्च झाल्यावर, नवीन टाटा पंच मारुती सुझुकी एस-प्रेसो आणि रेनॉल्ट क्विडशी स्पर्धा करेल. गेल्या वर्षी ऑटो एक्स्पो दरम्यान टाटा मोटर्सने पंचला HBX कॉन्सेप्ट मायक्रो-एसयूव्ही म्हणून पहिल्यांदा प्रदर्शित केली. पंच एसयूव्ही मारुती सुझुकी इग्निस आणि आगामी ह्युंडई मायक्रो-एसयूव्हीला टक्कर देईल, या कारला कॅस्पर म्हटले जाण्याची शक्यता आहे.

इतर बातम्या

डुकाटीची शानदार सुपरस्पोर्ट 950 मोटारसायकल बाजारात, जाणून घ्या किंमत आणि फीचर्स

बहुप्रतीक्षित Tata Punch भारतात लाँच, 21000 रुपये देऊन बुक करा शानदार मायक्रो एसयूव्ही

MG Astor लाँचिंगसाठी सज्ज, जाणून घ्या कसा असेल कारचा लूक, किंमत आणि फीचर्स

(Tata Punch achieves 5-star rating in latest Global NCAP crash test)

Click on your DTH Provider to Add TV9 MARATHI