AC : ‘हे’ आहेत 5 सर्वोत्तम 1-टन एसी, 30 हजार रूपयांपेक्षा कमी किंमतीत, जाणून घ्या
तुम्ही जर कमी बजेटमध्ये एसी खरेदी करण्याचा विचार करत असाल तर ही बातमी तुमच्यासाठी उपयुक्त आहे. कारण 30 हजार रूपयांपेक्षा कमी किमतीचे काही चांगले 1-टन एसी आहेत जे उत्कृष्ट कूलिंग आणि स्मार्ट वैशिष्ट्ये देतात. चला तर मग या एसीबद्दल जाणून घेऊयात.
उन्हाळा सुरू झाला की प्रत्येकजण एसी खरेदी करण्याचा विचार करतो, पण प्रत्येक सामान्य माणसाला बजेट हे एक मोठे आव्हान असते. जर तुम्ही परवडणाऱ्या किमतीत एक चांगला आणि पॉवरफूल 1-टन एसी शोधत असाल, तर आता तुमच्याकडे अनेक उत्कृष्ट पर्याय उपलब्ध आहेत. कारण 30 हजार रूपयांपेक्षा कमी किमतीत उपलब्ध असलेले हे एसी केवळ उत्तम कूलिंगच देत नाहीत, तर ते अत्याधुनिक वैशिष्ट्यांसहही उत्तम आहेत. महत्त्वाचे म्हणजे हे एसी लहान खोल्यांसाठी अगदी योग्य आहेत आणि कमी वीज वापरतात. चला तर मग आजच्या लेखात आपण या काही उत्तम एसीबद्दल जाणून घेऊयात.
Daikin 1-Ton 3-Star AC
सुमारे 25 हजार 189 रूपये किंमतीचा हा एसी लहान खोल्यांसाठी एक उत्तम पर्याय आहे. याची क्षमता 1-टन असून तो 12,000 BTU कूलिंग देतो, ज्यामुळे 100 चौरस फुटांपर्यंतची खोली आरामात थंड होऊ शकते. यामध्ये 3D एअरफ्लो, ड्यूक्लीन टेक्नॉलॉजी आणि PM 2.5 फिल्टर यांसारखी वैशिष्ट्ये आहेत. हा एसी 52 डिग्री इतक्या तापमानातही चालू शकतो. कंपनी यावर 1 वर्षाची प्रॉडक्ट वॉरंटी आणि 10 वर्षांची कंप्रेसर वॉरंटी देखील देते.
Voltas 1-Ton 3-Star Inverter AC
27 हजार 990 रूपये किंमत असलेल्या या एसीमध्ये 4-इन-1 अॅडजस्टेबल मोड्स आहेत, ज्यामुळे तुम्ही तुमच्या गरजेनुसार कूलिंग नियंत्रित करू शकता. हे हाय ॲम्बियंट कूलिंगला सपोर्ट करते, म्हणजेच ते 52 डिग्रीपर्यंतच्या तापमानातही उत्तम काम करते. अँटी-डस्ट आणि अँटी-मायक्रोबियल फिल्टर्समुळे ते आरोग्यदायी बनते. यात इन्व्हर्टर टेक्नॉलॉजी देखील आहे, ज्यामुळे विजेचा वापर कमी होतो.
Lloyd 1-Ton Inverter AC
सुमारे 27,990 किंमत असलेल्या या एसीमध्ये पाच वेगवेगळे कूलिंग मोड आहेत, ज्यामुळे वापरकर्ते त्यांच्या गरजेनुसार सेटिंग्जमध्ये बदल करू शकतो. यामध्ये इन्व्हर्टर कंप्रेसर आहे, जो तापमान आणि लोडनुसार वेग ॲडजस्ट करतो. याचा वार्षिक वीज वापर अंदाजे 698.49 kWh आहे. कंपनी 1 वर्षाची उत्पादन वॉरंटी आणि 5 वर्षांची घटक वॉरंटी देते.
Hisense 1-Ton Wi-Fi AC
सुमारे 28 हजार 990 किंमत असलेला हा एसी वाय-फाय कनेक्टिव्हिटीसह येतो, ज्यामुळे तुम्ही त्याला तुमच्या मोबाईल फोनवरून नियंत्रित करू शकता. याला 3-स्टार रेटिंग आणि 3400 वॉट कूलिंग क्षमता आहे. कॉपर कंडेन्सर आणि इन्व्हर्टर तंत्रज्ञानामुळे तो टिकाऊ आणि कार्यक्षम बनतो. यामध्ये आर-32 रेफ्रिजरंट वापरला जातो, जो पर्यावरणपूरक मानला जातो.
MarQ by Flipkart 1-Ton AC
सुमारे 20 हजार 990 किंमतीचा हा एसी, बजेट सेगमेंटमधील सर्वात किफायतशीर पर्यायांपैकी एक आहे. यामध्ये 5-इन-1 कन्व्हर्टिबल फीचर आणि टर्बो कूल टेक्नॉलॉजी आहे, ज्यामुळे जलद कूलिंग मिळते. 3.9 ISEER रेटिंगमुळे हा एसी उत्कृष्ट ऊर्जा कार्यक्षमता देखील देतो. 4-वे एअर फ्लो आणि डस्ट फिल्टर यांसारख्या वैशिष्ट्यांमुळे या किंमतीत हा एक उत्तम पर्याय ठरतो.
