कोणती जुनी कार इलेक्ट्रिकमध्ये रुपांतरित करता येते ?
तुम्हाला नवीन इलेक्ट्रिक कार खरेदी करायची नसेल तर तुमच्याकडे तुमच्या जुन्या पेट्रोल आणि डिझेल कारला ईव्हीमध्ये रुपांतरित करण्याची सुविधा आहे. फक्त जाणून घ्या की तुम्ही कोणती कार ईव्हीमध्ये रूपांतरित करू शकता आणि कोणती करू शकत नाही.
पेट्रोल किंवा डिझेलच्या वाढत्या किमतीमुळे तुमचे बजेट बिघडत असेल आणि तुमच्याकडे नवीन इलेक्ट्रिक कार खरेदी करण्यासाठी बजेट नसेल तर तुम्ही तुमच्या जुन्या पेट्रोल किंवा डिझेल कारचे इलेक्ट्रिक कारमध्ये रुपांतर करू शकता. एकच गोष्ट लक्षात ठेवली पाहिजे की, भारतीय कायद्यानुसार अशा कारचे इलेक्ट्रिकमध्ये रुपांतर करू नका, ज्याला परवानगी नाही. तुम्हाला मोठा दंड भरावा लागू शकतो.
पेट्रोल आणि डिझेल कारचे इलेक्ट्रिकमध्ये रूपांतर करणे भारतात पूर्णपणे कायदेशीर आहे. यासाठी तुम्हाला तुमच्या जुन्या कारमध्ये इलेक्ट्रिक मोटर व्हेइकलचे रेट्रो किट बसवावे लागेल. त्यासाठी फारसा खर्चही येत नाही. चला तर मग जाणून घेऊया कोणती कार कन्व्हर्ट करता येईल आणि कोणती नाही.
डिझेल कारशी संबंधित नियम
तुमच्याकडे डिझेलवर चालणारी कार असेल तर ती 10 वर्षांपेक्षा जास्त जुनी असेल, पण 15 वर्षांपेक्षा कमी जुनी असेल तरच त्यात इलेक्ट्रिक रेट्रो फिट किट बसवता येईल.
तुमची डिझेल कार 15 वर्षांपेक्षा जास्त जुनी असेल तर तुम्ही तिला इलेक्ट्रिकमध्ये रुपांतरित करू शकत नाही.
तुमची डिझेल कार 10 वर्षांपेक्षा कमी जुनी असेल तर तुम्ही तिला इलेक्ट्रिकमध्ये रुपांतरित करू शकता.
पेट्रोल वाहनांशी संबंधित नियम
पेट्रोल किंवा सीएनजीवर चालणाऱ्या दुचाकी, तीनचाकी आणि चारचाकी वाहनांचे इलेक्ट्रिकमध्ये रूपांतर करता येईल.
पेट्रोल किंवा सीएनजी कारमध्ये 15 वर्षांपेक्षा जुन्या वाहनांनाही इलेक्ट्रिकमध्ये रूपांतरित केले जाऊ शकते. परंतु त्यासाठी वाहनाचे फिटनेस प्रमाणपत्र घ्यावे लागेल, अशी अट आहे. त्याचबरोबर वाहनाची पुन्हा नोंदणीही करावी लागणार आहे.
15 वर्षांपेक्षा कमी जुन्या पेट्रोल आणि सीएनजी वाहनांना इलेक्ट्रिकमध्ये रूपांतरित करण्याची परवानगी आहे.
तुम्हाला दंड भरावा लागणार?
लोडिंग वाहने, ऑटो रिक्षा इत्यादी व्यावसायिक कामांमध्ये वापरली जाणारी वाहने. जर ते 15 वर्षांपेक्षा जास्त जुने असतील तर त्यांचे इलेक्ट्रिकमध्ये रूपांतर होऊ शकत नाही. जर तुम्ही योग्य कारला इलेक्ट्रिकमध्ये रुपांतरित केले नाही तर तुम्हाला मोठा दंड भरावा लागू शकतो.
पेट्रोल कारचे इलेक्ट्रिकमध्ये रुपांतर करण्यासाठी दोन प्रकारचे रेट्रो फिट किट आहेत. एक एसी कन्व्हर्जनवर आधारित आहे आणि दुसरा डीसी कन्व्हर्जनवर आधारित आहे. जर तुम्ही तुमच्या कारमध्ये एसी कन्व्हर्जन किट इन्स्टॉल केले तर तुमची किंमत 4 ते 10 लाख रुपयांपर्यंत येते. जर कार डीसी कन्व्हर्जन किटमधून इलेक्ट्रिकमध्ये रूपांतरित केली तर. तर त्यांची किंमत 2 ते 5 लाख रुपयांपर्यंत असते.
