महागाईचे रिपोर्ट कार्ड, डाळ-तांदळासह या वस्तूंना दरवाढीचा तडका, इंधन मात्र स्वस्त

चहाशिवाय अनेकांच्या दिवसाची सुरुवात होत नाही. चहा तयार करण्यासाठी साखर आणि दुधाची गरज असते. दूध आणि साखरेच्या किंमतीत गेल्या आर्थिक वर्षांत वाढ झाली आहे. तुमच्या थाळीतील इतर पण अनेक पदार्थ महागले आहेत. तर दुसरीकडे एलपीजी, पेट्रोल-डिझेल स्वस्त झाले आहेत.

थाळीत महागले काय काय, महागाईचे रिपोर्ट कार्ड

KALYAN DESHMUKH | Updated on: Apr 03, 2024 | 2:30 PM

Inflation Report Card : आर्थिक वर्ष 2023-24 31 मार्च रोजीच संपले. या आर्थिक वर्षात सर्वसामान्यांना महागाईचा सामना करावा लागला. टोमॅटो, अद्रक, कांदा, लसूण यांनी नाकीनऊ आणले. सरकारला मोठ्या प्रमाणात हस्तक्षेप करावा लागला. चहाशिवाय अनेकांच्या दिवसाची सुरुवात होत नाही. पण चीन आणि दूधाने जनतेला हैराण केले. किंमतीत मोठी वाढ झाली. इतर अन्नधान्याच्या किंमती पण गगनाला भिडल्या आहेत. तर एलपीजी, पेट्रोल-डिझेलच्या किंमती किंचित कमी झाल्या आहेत. चला पाहुयात काय म्हणते महागाईचे रिपोर्ट कार्ड….

दूधासह साखर झाली महाग

भारतातील अनेकांच्या दिवसाची सुरुवात चहाशिवाय होत नाही. सध्या दूध आणि साखरेचे भाव वाढलेले आहे. गेल्या काही वर्षांत तर दूधाचे दर दुप्पट झाले आहेत. साखरेच्या भावात पण वाढ झाली आहे. 1 एप्रिल 2023 रोजी दूधाचे भाव 56 रुपये प्रति लिटर होता. आता त्यात तीन रुपयांची वाढ होऊन हा भाव 59 रुपये प्रति लिटर झाला आहे. तर साखरेचा भव 41 रुपये प्रति किलो होतो. त्यात 3 रुपयांची वाढ झाली. हा भाव 44 रुपये प्रति किलो इतका झाला आहे.

गॅस सिलेंडर स्वस्त

चहा अजून महागली असती, जर एलपीजी सिलेंडरचा भाव वाढले असते. पण गेल्या आर्थिक वर्षात घरगुती गॅस सिलेंडरच्या किंमतीत मोठी कपात झाली. मागील आर्थिक वर्षातील 12 महिन्यात 300 रुपयांची कपात झाली. 1 एप्रिल 2023 रोजी घरगुती गॅस सिलेंडरची किंमत 1103 रुपये होती. तर 1 एप्रिल 2024 रोजी हा भाव 803 रुपये होता. 1 एप्रिल 2023 रोजी व्यावसायिक गॅसची किंमत 2,028 रुपये होती तर 1 एप्रिल 2024 रोजी कपातीनंतर दिल्लीमध्ये व्यावसायिक गॅसची किंमत 1795 रुपयांवर आली. म्हणजे 233 रुपयांची कपात झाली.

पेट्रोल डिझेलच्या किंमतीत कपात

रशिया-युक्रेन युद्धामुळे पेट्रोल-डिझेलच्या किंमती वाढण्याची शक्यता लक्षात येताच, 2022 मध्ये सरकारने एक्साईज ड्यूटी कमी केली. त्यानंतर दीर्घकाळ पेट्रोल-डिझेलच्या किंमती स्थिर ठेवण्यात आल्या. 1 एप्रिल 2023 रोजी दिल्लीत एक लिटर पेट्रोलचा भाव 96 रुपये होता. तर 1 एप्रिल 2024 रोजी हा भाव 94 रुपये होता. पेट्रोलियम कंपन्यांनी पेट्रोल-डिझेलमध्ये दोन रुपयांची कपात केल्याने किंमती घसरल्या.

तांदळासह डाळी महागल्या