Cryptocurrency price : आज बिटकॉइनच्या दरात मोठी घसरण, जाणून घ्या प्रमुख क्रिप्टो करन्सीचे दर

नवी दिल्ली : एक दिवसापूर्वी शुक्रवारी बिटकॉइनमध्ये (Bitcoin) तेजी दिसून येत होती. बिटकॉइन 1530.09 डॉलर म्हणजेच 5.33 टक्क्यांच्या तेजीसह 30204.92 डॉलर (Dollars) प्रति बिटकॉइनवर पोहोचला. मात्र आज शनिवारी बिटकॉइनच्या मूल्यामध्ये घसरण झाली आहे. बिटकॉईन 30,000 डॉलरच्या खाली घसरला आहे. आज मार्केट (Market) सुरू होताच बिटकॉईनच्या दरात तीन टक्क्यांची घसरण झाली. आज सकाळपासूनच बिटकॉइनच्या दरात घसरणीला सुरुवात झाली आहे. चालू वर्षात आतापर्यंत बिटकॉइनच्या दरात तब्बल 36 टक्क्यांपेक्षाही अधिक घसरण झाली आहे. नोव्हेंबर 2021 मध्ये बिटकॉइनची किंमत 69000 डॉलर प्रति बिटकॉइन इतकी होती. त्यामध्ये घसरण होऊन आता बिटकॉइनचा दर 30,000 डॉलरच्या खाली घसरला आहे. गेल्या काही दिवसांपासून बिटकॉइनच्या दरात सातत्याने घसरण सुरू असल्याचे पहायला मिळत आहे.

क्रिप्टोमधील गुंतवणूक वाढली

सध्या प्रमुख क्रिप्टो करन्सी असलेल्या बिटकॉइनमध्ये घसरण सुरू आहे. मात्र तरी देखील दुसरीकडे गुंतवणूकदार क्रिप्टोमधील गुंतवणूकीला प्राधान्य देताना दिसून येत आहेत. गेल्या आठवड्यात क्रिप्टोमधील गुंतवणूक ही तब्बल 27.4 कोटी डॉलरने वाढली आहे. यावरून तुम्हाला क्रिप्टोमधे वाढत असलेल्या गुंतवणुकीचा अंदाज येऊ शकतो. गेल्या आठवड्यात बिटकॉइनच्या मूल्यात घसरण होत असताना देखील सर्वाधिक गुंतवणूकही बिटकॉइनमध्येच करण्यात आली आहे. गेल्या आठवड्यात बिटकॉइनमध्ये तब्बल 29.9 कोटी डॉलरची गुंतवणूक करण्यात आली. क्रिप्टोमध्ये वाढत असलेल्या गुंतवणुकीवरून भविष्यात क्रिप्टोमध्ये तेजी येण्याचे संकेत मिळत आहेत.

इतर क्रिप्टो करन्सीमध्येही घसरण

प्रमुख क्रिप्टो करन्सी असलेल्या बिटकॉइनमध्ये तर घसरण सुरूच आहे. गेल्या आठवड्यात बिटकॉइनमध्ये मोठी घसरण पहायला मिळाली. आज देखील बिटकॉइनच्या दरात घसरण झाली आहे. मात्र बिटकॉइसोबतच इतर क्रिप्टो करन्सीमध्ये देखील मोठी घसरण पहायला मिळत आहे. शनिवारी क्रिप्टो करन्सी इथरचे दर 2.7 टक्क्यांच्या घसरणीसह 1,963.42 डॉलर वर पोहोचले. पॉलकाडॉटच्या दरात तीन टक्के घसरण झाली असून, ते प्रति पॉलकाडॉट 9.68 डॉलरवर पोहोचले आहेत. क्रिप्टो करन्सी सालानाच्या दरात देखील चार टक्क्यांची घसरण झाली आहे. त्याचे दर 49.89 डॉलर पर्यंत खाली आले आहेत. डॉग कॉइनच्या दरात देखील 2.7 टक्क्यांची घसरण झाली आहे.