आता थेट ATM मधून काढा PF चे पैसे, UPI सुविधाही होणार सुरू
EPFO 3.0 PF withdrawal rules: कर्मचारी भविष्य निर्वाह निधी संघटनेने एक मोठी आनंदाची बातमी दिली आहे. EPFO आता आपली '3.0 आवृत्ती' लाँच करत आहे, ज्यामध्ये PF मधून पैसे काढणे हे सामान्य बँक खात्यातून पैसे काढण्याइतके सोपे होईल. तुम्ही ATM आणि UPI च्या माध्यमातून PF चे पैसे लगेच रक्कम मिळवू शकाल.
EPFO 3.0 PF withdrawal rules: PF चे पैसे काढण्याची किचकट प्रक्रिया आता इतिहास जमा होणार आहे. EPFO 3.0 या नवीन डिजिटल प्रणालीमुळे खातेदारांना ATM कार्ड जारी केले जाण्याची शक्यता असून, याद्वारे थेट रोख रक्कम काढता येईल. कर्मचारी भविष्य निर्वाह निधी संघटनेने (EPFO) गेल्या वर्षी सेवानिवृत्ती संस्थेची डिजिटल प्रणाली आणि काम करण्याच्या पद्धतींचे सुलभ आणि आधुनिकीकरण करण्यासाठी EPFO 3.0 सुरू केले होते. लोकांना सुलभ आणि त्रासमुक्त सुविधा प्रदान करण्याच्या उद्देशाने 2026 च्या मध्यापर्यंत EPFO 3.0 ची पूर्णपणे अंमलबजावणी होईल अशी अपेक्षा आहे.
EPFO 3.0 अंतर्गत अनेक नवीन बदल प्रस्तावित आहेत, काही लागू झाले आहेत आणि काही लागू होण्याची अपेक्षा आहे. त्यापैकी एक बदल म्हणजे यूपीआय आणि ATM मधून PF काढण्याचा नियम. चला तर मग त्याबद्दल आम्ही तुम्हाला सविस्तर सांगतो.
भविष्य निर्वाह निधी 3.0 अंतर्गत भविष्य निर्वाह निधीची सुलभ उपलब्धता, स्वयं-दाव्यांची पूर्तता, ATM आणि UPI मधून त्वरित पीएफ काढणे आणि कर्मचार्यांच्या पसंतीच्या बँक खात्यात पैसे हस्तांतरित करणे यासह अनेक मोठे बदल प्रस्तावित करण्यात आले आहेत.
EPFO 3.0 अंतर्गत, सदस्य UPI वर त्यांचा PF शिल्लक पाहू शकतील. EPFO 3.0 अंतर्गत सर्वात मोठा बदल म्हणजे आता ATM आणि UPI मधून PF चे पैसे काढण्याचा पर्याय असेल. यामुळे लोकांना त्यांचे पैसे घेण्यासाठी बँक किंवा EPFO कार्यालयात जाण्याची गरज भासणार नाही. तथापि, काही मर्यादा आणि अटी आहेत, ज्या खाली स्पष्ट केल्या आहेत.
तुम्ही एवढे पैसे काढू शकता का?
EPFO खात्यात जमा झालेल्या एकूण रकमेच्या 50 टक्क्यांपर्यंत UPI किंवा ATM ममधून PF शिल्लक काढण्याची कमाल मर्यादा निश्चित करू शकते. हे यासाठी केले जात आहे जेणेकरून सदस्यांना काही पैसे वाचवता येतील आणि आवश्यकतेनुसार ते वापरता येतील.
अनेक मीडिया रिपोर्ट्सनुसार, EPFO सदस्यांसाठी ATM कार्ड देखील जारी करू शकते, ज्यामुळे ते थेट ATM मधून पैसे काढू शकतील. ही कार्डे PF खात्याशी जोडली जातील.
ATM आणि UPI मधून PF बॅलन्स कोण काढू शकतो?
PF चे पैसे सहजपणे काढण्यासाठी EPFO सदस्यांना काही अटी पूर्ण करणे आवश्यक आहे. सदस्याकडे सक्रिय युनिव्हर्सल अकाउंट नंबर (UAN) असणे आवश्यक आहे. मोबाइल नंबर आणि UAN दोन्ही कार्यरत असणे आवश्यक आहे. याव्यतिरिक्त, UAN आधार, पॅन, बँक खाते क्रमांक आणि IFCS कोडशी जोडलेले असणे आवश्यक आहे. त्रासमुक्त सेवा प्रदान करण्यासाठी, EPFO ने 32 सरकारी आणि खासगी बँकांशी करार केला आहे, जेणेकरून कंपन्या PF चे पैसे थेट बँकांमध्ये जमा करू शकतील आणि PF दाव्यांची प्रक्रिया करण्यासाठी लागणारा वेळ कमी होईल.
