Gold Silver Rate Today 11 March 2025 : सोन्याने मरगळ झटकली, चांदी अचानक नरमली, किंमत जाणून घ्या

गेल्या आठवड्याच्या सुरुवातीच्या दोन दिवसात 1360 रुपयांनी सोने महागले होते. पण नंतर या धातुला सूर गवसला नाही. तर चांदीने चांगली झेप घेतली होती. ग्राहकांना गेल्या आठवड्यात मौल्यवान धातुने दिलासा दिला होता. तर या सोमवारी सोने वधारले. तर चांदी घसरली. आता 18K, 22K, 24K सोन्याच्या तर एक किलो चांदीचा भाव जाणून घ्या…(Gold Silver Price Today 11 March 2025 )

सोने वधारले

गेल्या आठवड्यात सोमवारी 760 तर मंगळवारी 600 रुपयांनी सोने महागले होते. त्यानंतर त्यात सतत घसरण दिसली. तर या सोमवारी, 10 मार्च रोजी सोने 110 रुपयांनी वधारले. आज सकाळच्या सत्रात सुद्धा महागाईचे संकेत मिळत आहेत. गुडरिटर्न्सनुसार, आता 22 कॅरेट सोने 80,065 रुपये प्रति 10 ग्रॅम तर 24 कॅरेट सोन्याचा भाव 87,970 रुपये प्रति 10 ग्रॅम आहे.

चांदीत नरमाई

गेल्या आठवड्यात चांदी 2100 रुपयांनी महागली. गेल्या सोमवारी आणि बुधवारी 1,000 रुपयांनी वधारली होती. त्यानंतर पण किंमतीत किरकोळ बदल दिसला. या आठवड्याच्या पहिल्या दिवशी चांदी 100 रुपयांनी स्वस्त झाली. गुडरिटर्न्सनुसार, एक किलो चांदीचा भाव 99,000 रुपये इतका आहे.

14 ते 24 कॅरेटचा भाव काय

आज सकाळच्या सत्रात इंडियन बुलियन्स अँड ज्वेलर्स असोसिएशननुसार (IBJA) 24 कॅरेट सोने 85,932, 23 कॅरेट 85,588, 22 कॅरेट सोने 78,714 रुपयांवर आहे. 18 कॅरेट आता 64,449 रुपये, 14 कॅरेट सोने 50,270 रुपये प्रति 10 ग्रॅमवर आहे. एक किलो चांदीचा भाव 96,634 रुपये इतका झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

घरबसल्या जाणून घ्या भाव

सोने-चांदीच्या किंमती तुम्हाला घरबसल्या पण जाणून घेता येईल. सोने-चांदीचे ताजे भाव जाणून घेता येईल. त्यात स्थानिक कर, इतर करांचा भर पडतो. त्यामुळे शहरानुसार किंमतीत तफावत दिसून येते. इंडियन बुलियन्स अँड ज्वेलर्स असोसिएशन (IBJA) हे भाव जाहीर करेल. केंद्र सरकारने जाहीर केलेल्या सुट्या, शनिवारी आणि रविवार हे दिवस सोडून या किंमती जाहीर करण्यात येतात. ग्राहक 8955664433 या क्रमांकावर मिस्ड कॉल देऊन सर्व कॅरेटचे भाव जाणून घेऊ शकतात.