Gold Silver Rate Today | सोने चमकले, चांदीने पण दाखवला रंग! अशा वधारल्या किंमती

नवी दिल्ली | 25 February 2024 : आठवड्याच्या अखेरीस खरेदीवर अखेर सोने आणि चांदीने विरजण घातले. ग्राहकांना आज खरेदीसाठी बाहेर जाताना खिसा खाली करावा लागणार आहे. या आठवड्यात सोने आणि चांदीत चढउताराचे सत्र दिसून आले. सोमवारी भावाने उसळी घेतली तर मंगळवारी किंमती घसरल्या. त्यानंतरच्या दिवसातही किंमतीत चढउतार दिसून आला. तर एका दिवसापूर्वी मौल्यवान धातूच्या किंमतीत घसरण झाली होती. चांदीने तर ग्राहकांना मोठा दिलासा दिला होत. आठवड्याच्या शेवटी सोने आणि चांदीच्या अशा आहेत किंमत (Gold Silver Price Today 25 February 2024)

सोने 200 रुपयांनी वधारले

या आठवड्यात सोन्याच्या किंमतीत बदल होत होता. चढउताराचे सत्र दिसून आले. या आठवड्यात 19 फेब्रुवारीला 270 रुपयांनी किंमती वाढल्या. 20 फेब्रुवारीला 100 रुपयांनी किंमती उतरल्या. 21 फेब्रुवारीला सोने 250 रुपयांनी महागले. तर 22 फेब्रुवारी रोजी 100 रुपयांनी भाव उतरले. काल भावात अपडेट दिसली नाही. 24 फेब्रुवारी रोजी त्यात 200 रुपयांची वाढ झाली. गुडरिटर्न्सनुसार, आता 22 कॅरेट सोने 57,850 रुपये प्रति 10 ग्रॅम तर 24 कॅरेट सोन्याचा भाव 63,100 रुपये प्रति 10 ग्रॅम आहे.

स्वस्ताईनंतर चांदीत 400 रुपयांची वाढ

या आठवड्यात चांदी 2200 रुपयांनी उतरली. आठवड्याच्या सुरुवातीला 20 फेब्रुवारी रोजी चांदी 500 रुपयांनी स्वस्त झाली. 21 फेब्रुवारी रोजी 200 रुपयांनी चांदी महागली. तर आता 22 फेब्रुवारी रोजी 700 आणि 23 फेब्रुवारी रोजी 500 रुपयांची पडझड झाली. 24 फेब्रुवारीला किंमतीत 400 रुपयांची वाढ झाली. गुडरिटर्न्सनुसार, एक किलो चांदीचा भाव 74,900 रुपये आहे.

14 ते 24 कॅरेटचा भाव काय

इंडियन बुलियन्स अँड ज्वेलर्स असोसिएशननुसार (IBJA), सोने आणि चांदीत घसरण झाली. 24 कॅरेट सोने 62,008 रुपये, 23 कॅरेट 61,760 रुपये, 22 कॅरेट सोने 56,799 रुपये झाले. 18 कॅरेट 46,506 रुपये, 14 कॅरेट सोने 36,275 रुपये प्रति 10 ग्रॅमवर पोहचले. एक किलो चांदीचा भाव 69,653 रुपये झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

किंमती मिस्ड कॉलवर

22 कॅरेट आणि 18 कॅरेट सोने खरेदी करण्यापूर्वी त्याच्या किंमती एका मिस्ड कॉलवर कळतील. तुम्ही 8955664433 या क्रमांकावर मिस्ड कॉल करु शकता. त्यानंतर तुमच्या मोबाईल क्रमांकावर एसएमएस (SMS) येईल. त्याआधारे तुम्हाला किंमती कळतील. तसेच भाव जाणून घेण्यासाठी तुम्ही www.ibja.co वा ibjarates.com या ठिकाणी माहिती घेऊ शकता.