डिजिटल गोल्डवर किती टॅक्स भरावा लागतो ?

डिजिटल गोल्डच्या बाबतीत सध्या लोकांचा इंटरेस्ट दिवसेंदिवस वाढत आहे. अनेक जण डिजिटल गोल्डमध्ये गुंतवणूक करतात पण त्यांना कराचे गणित समजत नाही. तर आता हा कर कसा असतो. चला तर आता जाणून घेऊया. फिजिकल गोल्डप्रमाणे डिजिटल गोल्डवर देखील कर लागतो. डिजिटल वॉलेटमध्ये ठेवलेल्या डिजिटल गोल्ड 3 वर्षांच्या आत विकल्यानंतर झालेल्या नफ्याला शॉर्ट टर्म कॅपिटल गेन टॅक्स मानला जातो. हा कॅपिटल गेन टॅक्स तुमच्या एकूण उत्पन्नात जोडला जातो आणि त्यावर टॅक्स स्लॅबनुसार कर लागतो. तेच सोने 3 वर्षानंतर विकले असता लॉंग टर्म कॅपिटल गेन टॅक्स मानला जातो. यावर इंडक्सेशन बेनीफिट नंतर 20% कर लागतो.

तेच डिजिटल गोल्ड खरेदी केल्यास 3 % GST लागतो. अशावेळी गुगल पे, पेटीएम आणि फोन पेच्या माध्यमातून जितक्या वेळा डिजिटल गोल्ड खरेदी केले जाईल तितक्या वेळा GST द्यावा लागेल. डिजिटल गोल्ड ज्वेलरीमध्ये केले तर त्यावर मेकिंग चार्जेस आणि डिलिव्हरी फी लागते.

डिजिटल गोल्ड आणि फिजिकल गोल्डव्यतिरिक्त सोन्यामध्ये गुंतवणूक करण्याचा अजून एक मार्ग म्हणजे पेपर गोल्ड. सॉव्हरेन गोल्ड बॉंड सोडल्यास गोल्ड ETF आणि गोल्ड म्युच्युअल फंडांची युनिट रिडिम केल्यास आणि विकल्यास फिजिकल गोल्ड प्रमाणे कर लागतो.

सॉव्हरेन गोल्ड बॉंडच्या बाबतीत कराचे नियम वेगवेगळे आहेत. यामध्ये इन्व्हेस्टरला वर्षाला अडीच टक्के व्याज मिळते. हे व्याज गुंतवणूकदाराच्या उत्पन्नात जोडले जाते आणि त्यावर स्लॅबनुसार टॅक्स लागतो.

गोल्ड बॉंडचा मॅच्युरिटी पिरीयड 8 वर्षांचा असतो. मॅच्युरिटी होईपर्यंत ठेवल्यास कॅपिटल गेन टॅक्स नाही लागत.

गुंतवणूकदार सॉव्हरेन गोल्ड बॉंडला 5 वर्षानंतर प्री- मॅच्युअर रिडिम करू शकतो. जर 5 ते 8 वर्षामध्ये विकले तर त्यातून होणारा नफा लॉंग कॅपिटल गेन टॅक्स मानला जातो. यावर इंडक्सेशन बेनिफिटनंतर 20 % टॅक्स लागेल.

डिमॅट फॉर्ममध्ये असल्यास बॉंडच्या स्टॉक एक्सचेंजच्या खरेदी-विक्री होऊ शकते. यावर होल्डींग पिरीयडनुसार लॉंग आणि शॉर्ट टर्म कॅपिटल गेन टॅक्स लागतो.