Indigo ची धमाकेदार ऑफर, 63 शहरांतून हवाई प्रवास फक्त 915 रुपयांत, तारीख तपासा
तुम्ही या ऑफरचा लाभ आजपासून म्हणजेच 4 ऑगस्ट ते 6 ऑगस्टपर्यंत घेऊ शकता. कंपनीने आपली 15 वर्षे पूर्ण केली आहेत. या आनंदामध्ये ही ऑफर आपल्या ग्राहकांना देण्यात आलीय.
नवी दिल्ली: जर तुम्हीही कुठेतरी हवाई प्रवास करण्याचा विचार करत असाल तर तुमच्यासाठी एक आनंदाची बातमी आहे. आता तुम्ही स्वस्तात हवाई प्रवास करू शकता. 15 व्या वर्धापन दिनानिमित्त (15 व्या वर्धापन दिन विक्री) इंडिगो एक विशेष ऑफर घेऊन आलीय. तुम्ही या ऑफरचा लाभ आजपासून म्हणजेच 4 ऑगस्ट ते 6 ऑगस्टपर्यंत घेऊ शकता. कंपनीने आपली 15 वर्षे पूर्ण केली आहेत. या आनंदामध्ये ही ऑफर आपल्या ग्राहकांना देण्यात आलीय.
या ऑफर अंतर्गत तुम्ही फक्त 915 रुपयांमध्ये हवाई प्रवास करू शकता
इंडिगोने ट्विट करून याबाबत माहिती दिली. कंपनीने ट्विटमध्ये लिहिले आहे की, या ऑफर अंतर्गत तुम्ही फक्त 915 रुपयांमध्ये हवाई प्रवास करू शकता. 1 सप्टेंबर 2021 ते 26 मार्च 2022 दरम्यान प्रवासी देशांतर्गत आणि आंतरराष्ट्रीय प्रवासासाठी या ऑफरचा लाभ घेऊ शकतात.
HSBC कार्डवर अतिरिक्त सूट
या ऑफरमध्ये ग्राहकांना एचएसबीसी क्रेडिट कार्डवर अतिरिक्त सूट मिळणार आहे. ग्राहकांना अतिरिक्त 5 टक्के कॅशबॅक ऑफर मिळेल जी किमान 3000 रुपयांच्या व्यवहारावर उपलब्ध असेल आणि हा कॅशबॅक 750 रुपयांपर्यंत असेल.
फास्ट फॉरवर्ड सुविधादेखील उपलब्ध
या ऑफरसह फास्ट फॉरवर्ड 6 ई फ्लेक्स, 6 ई बॅगपोर्ट सारख्या सुविधा फक्त 315 रुपयांच्या अतिरिक्त पेमेंटवर उपलब्ध होतील. याशिवाय 315 रुपयांच्या अतिरिक्त रकमेवर कार भाड्याने देण्याची सुविधा देखील उपलब्ध असेल.
तुम्ही या 63 शहरांमधून प्रवास करू शकता
आगरतळा, आग्रा, अहमदाबाद, ऐझवाल, अमृतसर, औरंगाबाद, बागडोरा, बंगलोर, बेळगाव, भोपाळ, भुवनेश्वर, चंदीगड, चेन्नई, कोईम्बतूर, डेहराडून, दिल्ली, दिब्रुगढ, दिमापूर, गया, गोवा, गोरखपूर, गुवाहाटी, हुबळी , हैदराबाद, इम्फाल, इंदूर, जयपूर, जम्मू, जोधपूर, जोरहाट, कन्नूर, कोची, कोल्हापूर, कोलकाता, कोझीकोडा, लेह, लखनौ, मदुराई, मंगलोर, मुंबई, म्हैसूर, नागपूर, पाटणा, पोर्ट ब्लेअर, प्रयागराज, पुणे, रायपूर, राजमुंद्री, रांची, शिलाँग, शिर्डी, सिलचर, श्रीनगर, सुरत, त्रिचुरापल्ली, तिरुपती, त्रिवेंद्रम, तुतिकोरिन, उदयपूर, वडोदरा, वाराणसी, विजयवाडा आणि विशाखापट्टणम या शहरांमध्ये प्रवास करू शकता.
संबंधित बातम्या
Zomato Food Delivery: झोमॅटो ग्राहकांना फ्री डिलिव्हरी देणार, जाणून घ्या फायदा कसा घ्याल?
बँक FD किंवा RD मध्ये नव्हे, तर ‘या’ शेअर्समध्ये 4 महिन्यांत 1 लाखाचे झाले 12 लाख, 10 पट परतावा
Indigo’s smashing offer, air travel from 63 cities for just Rs 915, check the date
