महानआर्यमन सिंधिया यांना उद्यम क्षेत्रात मोठे यश; स्टार्टअप Ethara AI आणि अमेझॉन वेब सर्विसेस यांच्यात मोठा करार

सिएटल/दिल्ली : मध्य प्रदेश क्रिकेट असोसिएशन चे अध्यक्ष आणि उद्योजक महानआर्यमन सिंधिया आपल्या तंत्रज्ञानाधारित स्टार्टअप Ethara AI च्या माध्यमातून जागतिक पातळीवर नवे विक्रम प्रस्थापित करत आहेत. अमेरिकेच्या दौऱ्यावर असताना त्यांनी अमेझॉनच्या सिएटल मुख्यालयाला भेट दिली. यावेळी त्यांच्या कंपनीची जगातील आघाडीची क्लाउड सेवा पुरवणारी कंपनी अमेझॉन वेब सर्विसेस सोबत महत्त्वपूर्ण भागीदारी झाली आहे.

महानआर्यमन सिंधिया आणि त्यांचे सह-संस्थापक सूर्यांश राणा यांनी AWS चे एजंटिक एआयचे उपाध्यक्ष स्वामी शिवसुब्रमण्यन आणि भारतातील स्टार्टअप्सचे प्रमुख श्रीराम संथानम यांच्यासोबत उच्चस्तरीय बैठक घेत Agentic AI च्या भविष्यासंदर्भात चर्चा केली. या चर्चेचा मुख्य केंद्रबिंदू Enterprise World मधील Agentic Systems चे भविष्य आणि पुढील पिढीतील Intelligent Agents च्या निर्मितीवर होता.

भागीदारीचे मुख्य मुद्दे

• पायाभूत सुविधा आणि प्रशिक्षण : Ethara AI आणि अमेझॉन वेब सर्विसेस भारतात पुढील पिढीतील Intelligent Agents साठी आवश्यक पायाभूत सुविधा आणि प्रशिक्षण यंत्रणा उभारणार आहेत.
• प्रबलन शिक्षण : दोन्ही कंपन्या प्रबलन शिक्षण पायाभूत सुविधा आणि प्रगत मूल्यांकन प्रणाली विकसित करण्यासाठी एकत्र काम करणार आहेत.
• विस्तारक्षमता : या भागीदारीचा उद्देश फ्रंटियर इंटेलिजन्ससाठी स्केलेबल ट्रेनिंग एन्व्हायर्नमेंट्स तयार करणे हा आहे.
• स्वायत्त प्रणाली : या सहकार्यामुळे उद्योग क्षेत्राला Static AI Workflows मधून Intelligent Autonomous Systems कडे वाटचाल करण्यास मदत होणार आहे.
• महानआर्यमन सिंधिया गेल्या अनेक वर्षांपासून भारताला जागतिक AI केंद्र बनवण्याच्या दिशेने कार्यरत आहेत. त्यांचे म्हणणे आहे की, “जर AI चे सर्वाधिक वापरकर्ते भारतीय असतील, तर त्याच्या निर्मितीचे केंद्रही भारतच असले पाहिजे.”