पगार 1 लाख, पण PF 1,800 रुपयेच जमा होणार, EPFO चे नवीन नियम काय?

EPFO Rules Change: केंद्रीय कर्मचारी भविष्य निर्वाह निधी संघटनेने (EPFO) PF नियमात मोठा बदल केला आहे. EPFO ने आता 15,000 रुपयांपर्यंतच्या वेतनावर 12 टक्के पीएफ योगदान देणे आवश्यक केले आहे. त्यानुसार, महिन्याकाठी पीएफ खात्यात 1,800 रुपये जमा होतील. तर त्यावर जी रक्कम जमा होईल ती ऐच्छिक मानली जाणार आहे. याचा अर्थ तुमचे मुळ वेतन एक लाख रुपये प्रति महिना असले तरी पीएफ खात्यात सक्तीचे केवळ 1,800 रुपये जमा होतील. त्यात तितकीच रक्कम कंपनी जमा करेल. तर कर्मचारी त्यांच्या वेतनातील काही रक्कम पीएफ खात्यात जमा करू शकतात. हा निवृत्तीसाठीची तरतूद असेल.

काय होईल फायदा?

या नवीन नियमामुळे कर्मचाऱ्यांना त्यांच्या निवृत्तीसाठी अधिक रक्कम जमा करणे सोपे होईल असा दावा करण्यात येत आहे. कामगार संहितेनुसार हा बदल करण्यात आला आहे. खासगी क्षेत्रात सॅलरी कॉस्ट टू कंपनी (CTC) मॉडल प्रचलित आहे. नवीन नियमानुसार सॅलरी स्ट्रक्चर, वेतन रचना होईल. या नवीन नियमामुळे कंपनीला ही मोठा फायदा होणार आहे.

निवृत्तीसाठी ऐच्छिक योगदानाचा पर्याय खुला

ईपीएफओनुसार, नियमानुसार आता केवळ 1,800 रुपयांचे योगदान जमा होणार असले तरी निवृत्तीनंतर मोठा निधी जमा होऊ शकतो. कर्मचाऱ्यांना निवृत्तीसाठी ऐच्छिक योगदानाचा पर्याय आहे. ईपीएफओने भविष्य निर्वाह निधी योजना 2026 सूचित केले आहे. कर्मचाऱ्यांना त्यांच्या खात्यात अतिरिक्त रक्कम जमा करता येईल. विशेष म्हणजे कर्मचारी आणि कंपनीला ऐच्छिक योगदान केव्हा ही बंद करता येऊ शकते.

पैसे काढणे झाले सोपे

नवीन योजनेत PF खात्यातून पैसे काढणे सोपे होणार आहे. आता पीएफ काढण्यासाठी यापूर्वी 13 वेगवेगळ्या श्रेणी करण्यात आले होते. आता केवळ 3 श्रेणी असतील. यामध्ये आजारपण, शिक्षण, लग्न, घर खरेदीसाठी पैसे काढता येतील. काही विशेष प्रकरणात कर्मचारी त्यांच्या पीएफ खात्यातून 100 टक्के रक्कम काढू शकतात. पण इतर परिस्थितीत कमीत कमी 25% ठेव शिल्लक ठेवणे आवश्यक आहे.