सेन्सेक्सची ऐतिहासिक झेप, निर्देशांक पहिल्यांदा 50 हजारांवर, गुंतवणूकदारांनी 1 लाख 40 कोटी रुपये कमावले

मुंबई शेअर बाजाराचा (BSE) निर्देशांक असलेल्या सेन्सेक्सने (Sensex) 50 हजारांचा विक्रमी टप्पा ओलांडला. (Sensex holds 50k

  • टीव्ही 9 मराठी डिजीटल टीम
  • Published On - 10:50 AM, 21 Jan 2021
सेन्सेक्सची ऐतिहासिक झेप, निर्देशांक पहिल्यांदा 50 हजारांवर, गुंतवणूकदारांनी 1 लाख 40 कोटी रुपये कमावले

मुंबई: आंतरराष्ट्रीय बाजारातील सकारात्मक कल आणि जो बायडन यांनी अमेरिकेच्या अध्यक्षपदाची शपथ घेतल्यामुळे झालेल्या सकारात्मक परिणामामुळे भारतीय शेअर बाजार (Share market) ऐतिहासिक टप्प्यावर पोहोचला आहे. मुंबई शेअर बाजाराचा (BSE) निर्देशांक असलेल्या सेन्सेक्सने (Sensex) 50 हजारांचा विक्रमी टप्पा ओलांडला. सेन्सेक्सने 200 पॉइंटसची झेप घेत 50,126.76 चा टप्पा गाठला भांडवली बाजाराच्या आजवरच्या इतिहासात सेन्सेक्सने पहिल्यांदाच ही पातळी गाठली आहे. (Sensex holds 50k up 126 points for first time)

जो बायडन यांनी अमेरिकेच्या अध्यक्षपदाची सूत्रे स्वीकारल्याचा परिणाम आणि जागतिक बाजारातून घरगुती बाजाराला मिळत असलेले सकारात्मक कल याच्या जोरावर सेन्सेक्सनं ऐतिहासिक 50 हजारांचा टप्पा पार केला. आज भांडवली बाजार उघडल्यानंतर सेन्सक्स आज पहिल्यांदा 50 हजारांच्या स्तरावर उघडला. बीएसईच्या मिडकॅप आणि स्मॉलकॅप इंडेक्समध्येही वाढ दिसून आली. मिडकॅफ इंडेक्समध्ये 0.62 तर स्मॉलकॅफ इंडेक्समध्ये 0.60 टक्के वाढ झाली. तर निफ्टी निर्देशांक 14 हजार 700 अंकापर्यंत पोहोचला.

अमेरिकेतील बाजाराचे नवे विक्रम

अमेरिकेतील शेअर बाजारामध्येही जो बायडन यांच्या शपथविधीचा परिणाम दिसून आला. डाओ जोंस आणि S&P नवा विक्रम करत बंद झाला. बुधवारी डाओ जोंसमध्ये निर्देशांक 258 अंकाची वाढ होत 31188 पर्यंत पोहोचला. तर नॅसडॅक 260 अकांच्या तेजीसह 13457 वर बंद झाला. एसएंडपी500 मध्ये 53 अंकांची वाढ होत 3852 वर निर्देशांक बंद झाला.

गुंतवणूकदारांना लॉटरी

भारतीय शेअर बाजारात गुंतवणूक केलेल्या गुंतवणूकदारांना मोठा फायदा झाला आहे. शेअर बाजार उघडल्यानंतर बाजारात गुंतवणूकदारांना जवळपास 4.40 लाख कोटी रुपयांचा फायदा झाला. बीएसईवर लिस्ट असलेल्या कंपन्यांची मार्केट कॅप 1,97,70,572.57 कोटी रुपये होता. गुरुवार बाजार सुरु झाल्यानंतर 1,35,552 कोटी रुपयांची वाढ झाली आणि मार्केट कॅप 1,99,06,124,57 कोटी रुपये झाला.

दरम्यान, मुंबई शेअर बाजाराचा (BSE) निर्देशांक असलेल्या सेन्सेक्सने (Sensex) 11 जानेवारीला 49 हजाराचा विक्रमी टप्पा ओलांडला होतो.

संबंधित बातम्या:

सोनं स्वतात खरेदी करा! RBI कडून डिजिटल पेमेंटवर खास ऑफर

SBI अलर्ट | Instant Loan App पासून सावधान, पैशांची गरज असल्यास ‘हे’ करा

जगातील सर्वात श्रीमंत उद्योगपती एलन मस्कने प्रतितास 127 कोटी रुपये कमावले, जाणून घ्या कसे?

(Sensex holds 50k up 126 points for first time)