देशात लवकरच 6G नेटवर्कची चाचणी, डाऊनलोड स्पीड 5G पेक्षा 50 पट वेगवान, कधी सुरू होणार?

नवी दिल्लीः देशात मोबाईलच्या 6 जी नेटवर्कच्या चाचणीसाठी सरकारने तयारी सुरू केलीय. दूरसंचार विभागाने यासाठी सरकारी दूरसंचार संशोधन कंपनी C-DoT (C-DoT) ला सोपवले. सी-डॉटला मोबाईलच्या 6 जी नेटवर्कवर काम सुरू करण्याचे निर्देश देण्यात आलेत. C-DoT ला 6G शी संबंधित सर्व तांत्रिक शक्यतांचा विचार करण्यास सांगितलेय. हे काम वेळेत पूर्ण करणे बंधनकारक आहे, जेणेकरून जागतिक बाजारात 6G नेटवर्कच्या बाबतीत मोठ्या कंपन्यांशी स्पर्धा करता येईल. काम उशिरा सुरू झाल्यास भारत या तांत्रिक स्पर्धेतून बाहेर पडू शकतो.

इतर कंपन्यांचं 6G तंत्रज्ञानावर खूप पूर्वीपासून काम सुरू

जगातील अनेक कंपन्या जसे सॅमसंग, हवाई, एलजी आणि इतर कंपन्यांनी 6G तंत्रज्ञानावर खूप पूर्वीपासून काम सुरू केलेय. असे मानले जाते की, 6G तंत्रज्ञान 5G तंत्रज्ञानापेक्षा 50 पट अधिक वेगवान असेल. हा स्पीड इंटरनेटचा असेल. एका अंदाजानुसार, 2028-30 पर्यंत जगात 6G तंत्रज्ञान सुरू होण्याची शक्यता आहे. भारतासह अनेक देशांमध्ये 5G चाचण्याही सुरू आहेत. भारतात अजून मोठ्या प्रमाणावर लॉन्च होणे बाकी आहे. परंतु टेलिकॉम विभागाने एकाच वेळी 6G वर काम सुरू करण्याचे निर्देश दिले आहेत, जेणेकरून शेवटच्या काळात परिस्थिती मागे राहू नये.

सर्वाधिक डेटा डाऊनलोड स्पीड 3.7 जीबीपीएस

तांत्रिक पातळीबद्दल बोलायचे झाले तर 5G चा डेटा डाऊनलोड स्पीड 20 गीगाबिट प्रति सेकंद (जीबीपीएस) पर्यंत जाऊ शकतो. पण मोबाईल कंपन्या किती देतात, हे अजून पूर्णपणे स्पष्ट झालेले नाही. व्होडाफोन आयडियाने दावा केला आहे की, 5 जी ट्रायलमध्ये सर्वाधिक डेटा डाऊनलोड स्पीड 3.7 जीबीपीएस आहे. ही स्पीड ट्रायल रन आहे. 5G सुरू केल्यानंतर डाऊनलोड स्पीडमध्ये वाढ दिसून येते.

5G च्या स्पीडच्या 10 पट

सेंटर फॉर डेव्हलपमेंट ऑफ टेलिमॅटिक्स (सी-डीओटी) ने म्हटले आहे की, दूरसंचार सचिवांनी यावर जोर दिला आहे की सी-डॉटला 6 जीच्या उदयोन्मुख तंत्रज्ञान आणि बाजारात लक्ष घालावे लागेल. सचिवांनी म्हटले आहे की, भविष्यातील तंत्रज्ञान लक्षात घेऊन 6G वर काम सुरू केले पाहिजे, जेणेकरून ती जागतिक बाजारातील उर्वरित कंपन्यांशी स्पर्धा करू शकेल. दूरसंचार विभागाच्या मते, ग्राहक आता 4G मध्ये मिळणाऱ्या वेगापेक्षा 5G मध्ये डाऊनलोड स्पीड 10 पट अधिक मिळवू शकतील. तसेच 5G ची स्पेक्ट्रम क्षमता 4G पेक्षा 3 पट अधिक आहे.

देशात सर्वाधिक स्पीड जिओ नेटवर्कची नोंद

भारतीय दूरसंचार नियामक प्राधिकरणाने (TRAI) संपूर्ण देशात सर्वाधिक स्पीड जिओ नेटवर्कची नोंद केली. जिओ नेटवर्कच्या 4G चा स्पीड 20 मेगाबिट प्रति सेकंद असल्याचे आढळून आले. दूरसंचार विभाग लवकरच देशात व्यावसायिक 5G नेटवर्क सुरू करणार आहे. विभागाने आता TRAI कडून स्पेक्ट्रमच्या मूळ किमतीबाबत सूचना मागवल्यात. या आधारभूत किमतीच्या आधारावर 5G सेवेचा स्पेक्ट्रम मोबाईल कंपन्यांना दिला जाईल. दूरसंचार विभागाचे सचिव राजारामन यांनी सी-डॉटला सांगितले की, मोबाईल तंत्रज्ञानाला व्यावसायिक कसे बनवता येईल यावर सखोल विचार करण्याची गरज आहे. मोबाईल तंत्रज्ञान अधिक जलद आणि वेगवान करण्यासाठीही प्रयत्न केले पाहिजेत.

5 जीची नेमकी स्थिती काय?

व्होडाफोन आयडियाने दावा केला आहे की, पुण्यात 5 जी चाचणीदरम्यान त्याने 3.7 गिगाबाईट प्रति सेकंद (जीबीपीएस) ची सर्वाधिक गती गाठली, जी भारतातील कोणत्याही मोबाईल प्रदात्याने मिळवलेली सर्वात वेगवान गती आहे. कंपनीने गांधीनगर आणि पुण्यातील मिड-बँड स्पेक्ट्रममध्ये 1.5 जीबीपीएस डाऊनलोड स्पीड रेकॉर्ड करण्याचा दावा केला. DoT ने 5G नेटवर्क ट्रायल्ससाठी पारंपरिक 3.5 GHz स्पेक्ट्रम बँड तसेच 26 GHz (GHz) सारखे हाय फ्रिक्वेन्सी बँड Vi (Vodafone Idea) ला वाटप केलेत.

रिलायन्स जिओ, भारती एअरटेल आणि व्होडाफोन आणि नंतर एमटीएनएलचे अर्ज मंजूर

या वर्षी मे महिन्यात दूरसंचार विभागाने रिलायन्स जिओ, भारती एअरटेल आणि व्होडाफोन आणि नंतर एमटीएनएलचे अर्ज मंजूर केले होते. एरिक्सन, नोकिया, सॅमसंग आणि सी-डॉट या मोबाईल आणि संबंधित उपकरण उत्पादक कंपनीसोबत सहा महिन्यांच्या चाचणीसाठी त्यांना मान्यता देण्यात आली. यापूर्वी भारती एअरटेलने मुंबईत 5G फील्ड ट्रायलदरम्यान फिनिश कंपनी नोकियाकडून नेटवर्क उपकरणे वापरून 1 गीगाबिट प्रति सेकंद (1,000 Mbps) चा वेग नोंदवला होता. कंपनीने मुंबईच्या लोअर परेल भागातील फिनिक्स मॉलमध्ये 5G ची लाइव्ह ट्रायल आधीच केली.

संबंधित बातम्या

मुकेश अंबानींनी सौर ऊर्जेमध्ये क्रांती आणण्यासाठी ही कंपनी केली खरेदी, हजारो कोटी रुपयांचा करार

तुम्ही सरकारी नोकरीत असाल तर 4 लाखांचा क्लेम सहज मिळवाल, थकबाकीही मिळणार

Testing of 6G network in the country soon, download speed 50 times faster than 5G, when will it start?