पुण्यात MPSC विद्यार्थ्यांचा एल्गार, रोहित पवारांचं गाडीवर चढून भाषण; सरकारकडे काय मागणी केली?
पुण्यात MPSC विद्यार्थ्यांचा एल्गार पाहायला मिळत आहे. पुण्यात रोहित पवार यांनी गाडीवर चढून भाषण केली. त्यांनी विद्यार्थ्यांसाठी सरकारकडे मोठी मागणी केली आहे.
पुण्यात विद्यार्थी आंदोलन तापलं आहे. पुण्यात MPSC पेपरफुटीच्या विरोधात शेकडो विद्यार्थी रस्त्यावर उतरले आहेत. पुण्यातील विद्यार्थ्यांच्या आक्रोश मोर्चामध्ये रोहित पवार देखील सहभागी झाले आहेत. त्यांनी काळा शर्ट घालत सरकार आणि अध्यक्षांचा निषेध केला. पैसे खाण्यासाठी गरीब मुलांचं नुकसान करत आहेत. पेपरफुटीवरून आता एमपीएससी अध्यक्ष आणि सचिवांच्या राजीनाम्याची मागणी रोहित पवार यांनी केली. यावेली रोहित पवार यांनी गाडीवर चढून विद्यार्थ्यांना संबोधित केले. या मोर्चात मोठ्या संख्येने विद्यार्थी सहभागी झाले आहेत.
आमदार रोहित पवार म्हणाले, सरकारचा आणि अध्यक्षांचा निषेध करतोय म्हणून काळा शर्ट घातलाय. पैसे खाण्याच्या नादात गरीब मुलांचं नुकसान होत आहे. एमपीएससीचा अध्यक्ष आणि सचिव बदलण्यात यावा. स्वच्छ प्रतिमेचे अधिकारी एमपीएससीवर असावेत. सरकारचा आणि एमपीएससीचा निषेध करण्यासाठी मी काळा शर्ट घातला आहे. सरकारचं दुर्लक्ष होत आहे, नफाखोरी सुरू आहे. एमपीएससी विद्यार्थ्यांमध्ये रोष आहे. रस्त्यावर हा रोष उतरलेला आहे. पेपरफुटीमुळे गरीब विद्यार्थी अडचणीत आला आहे’.
