गृहकर्ज घेण्यासाठी ‘या’ 3 सरकारी बँका बेस्ट, सर्वात कमी व्याजदर, जाणून घ्या
गृहकर्ज घेण्यापूर्वी विविध बँकांचे व्याजदर पाहावे आणि त्यानंतरच निर्णय घ्यावा. आज आम्ही तुम्हाला देशातील अशाच तीन सरकारी बँकांबद्दल सांगणार आहोत, ज्या आपल्या ग्राहकांना अत्यंत कमी व्याजदराने गृहकर्ज देत आहेत. चला तर मग जाणून घ्या.
वाढत्या महागाईमुळे आजकाल लोकांना स्वत:चे घर खरेदी करणे खूप कठीण झाले आहे. बहुतांश लोक बँकेकडून गृहकर्ज घेऊन घर खरेदी करत आहेत. जर तुम्हीही बँकेकडून गृहकर्ज घेऊन घर खरेदी करण्याचा विचार करत असाल तर तुमच्यासाठी चांगल्या बँकेची निवड करणे अत्यंत गरजेचे आहे. गृहकर्ज घेण्यापूर्वी विविध बँकांचे व्याजदर पाहावे आणि त्यानंतरच निर्णय घ्यावा. आज आम्ही तुम्हाला देशातील अशाच तीन सरकारी बँकांबद्दल सांगणार आहोत, ज्या आपल्या ग्राहकांना अत्यंत कमी व्याजदराने गृहकर्ज देत आहेत.
बँक ऑफ महाराष्ट्र
बँक ऑफ महाराष्ट्र आपल्या ग्राहकांना अतिशय चांगल्या व्याजदराने गृहकर्ज देत आहे. जर तुमचा सिबिल स्कोअर चांगला असेल तर तुम्हाला या बँकेकडून 8.10 टक्के व्याजदराने गृहकर्ज मिळेल.
युनियन बँक ऑफ इंडिया
युनियन बँक ऑफ इंडियादेखील आपल्या ग्राहकांना 8.10 टक्के व्याजदराने गृहकर्ज देत आहे. सिबिल स्कोअरनुसार हे व्याजदर बदलू शकतात.
सेंट्रल बँक ऑफ इंडिया
सेंट्रल बँक ऑफ इंडियाकडूनही तुम्ही होम लोन घेऊ शकता. ही बँक आपल्या ग्राहकांना 8.10 टक्के व्याजदराने गृहकर्ज देत आहे.
30 लाख रुपयांच्या गृहकर्जावर मासिक EMI
तुम्ही या बँकांकडून 30 लाखांचे गृहकर्ज घेत असाल आणि तुमचा सिबिल स्कोअर चांगला असेल तर तुम्हाला हे कर्ज 8.10 टक्के दराने मिळणार आहे. जर तुम्ही 20 वर्षांसाठी हे कर्ज घेत असाल तर तुम्हाला दरमहा 25,280 रुपये EMI म्हणून द्यावे लागतील.
बचतीच्या माध्यमातून गृहकर्जाची परतफेड करा
तुम्हाला दर महिन्याला गृहकर्जाचा EMI भरणे अवघड जात असेल तर तुम्ही तुमच्या बचतीतून आपल्या कर्जाची प्रीफेड करावी. प्रीपेमेंट केल्याने ही रक्कम थेट तुमच्या मूळ रकमेपेक्षा कमी होईल, ज्यामुळे कर्जाची रक्कम कमी होईल आणि तुमचा मासिक EMI देखील कमी होईल.
कर्जाची मुदत वाढवा
गृहकर्जाचा मासिक EMI कमी करण्यासाठी तुम्ही तुमच्या कर्जाची मुदत वाढवू शकता. असे केल्याने तुमचा मासिक EMI देखील कमी होईल. मात्र, असे केल्याने तुम्हाला अधिक व्याज द्यावे लागणार आहे.
कमी EMI साठी होम लोन ट्रान्सफर करा
तुमच्या सध्याच्या बँके व्यतिरिक्त अन्य बँक कमी व्याजदराने कर्ज देत असेल तर तुम्ही तुमचे गृहकर्ज त्या बँकेत ट्रान्सफर करू शकता.
सिबिल स्कोअरच्या आधारे व्याजदर कमी करा
बँकेशी बोलून तुम्ही तुमचे व्याजदर कमी करू शकता. यासाठी तुम्ही तुमच्या चांगल्या सिबिल स्कोअरचा आधार घ्यावा.
अधिक डाऊन पेमेंट करा
गृहकर्ज घेताना जास्तीत जास्त डाऊन पेमेंट करण्याचा प्रयत्न करा. यामुळे तुमचा मासिक EMI कमी होईल.
(डिस्क्लेमर: या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
