Share Market : पुढील आठवड्यात शेअर बाजाराची काय राहील दशा आणि दिशा, काय म्हणतात बाजारातील तज्ज्ञ?

बाजाराचा रोख काय?

Image Credit source: सोशल मीडिया

नवी दिल्ली : या आठवड्यात (Week) जागतिक घडामोडी (International Update) आणि विदेशी गुंतवणूकदार (FII) निर्णायक भूमिका वठवतील. त्यांच्या मूडवर शेअर बाजाराची (Share Market) घौडदौड ठरेल. हादरे देणाऱ्या बाजाराने गेल्या पंधरवाड्यात गुंतवणूकदारांना चांगले हादरवले आहे. त्यामुळे गुंतवणूकदार (Investors) वर्षांच्या शेवटच्या महिन्यात नुकसान सहन करण्याच्या मूडमध्ये तर नक्कीच नाही. हे वर्ष सरताना कमीत कमी नुकसान आणि जास्तीत जास्त फायदा ही आठवण ते पक्की करु इच्छितात.

स्वास्तिका इन्वेस्टमार्टचे प्रमुख संतोष मीणा यांच्या मते, या आठवड्यात बाजार वेगळे संकेत देत नाही. त्यामुळे बाजारात तेजी आणि मंदीचे सत्र कायम राहील. दोन्ही प्रवाहामुळे बाजार हिंदोळ्यावर राहील. अमेरिकन बाजारात सध्या विक्रीचे सत्र जोरात आहे. त्यामुळे त्याचा परिणाम भारतीय बाजारावरही दिसून येत आहे.

डिसेंबर महिन्यात FII ने जोरदार विक्री सत्र आरंभल्याचे परिणाम गेल्या पंधरवाड्यात गुंतवणूकदारांनी अनुभवले आहे.परदेशी गुंतवणूकदारांपेक्षा भारतीय गुंतवणूकदारांनी बाजार सावरण्याचा प्रयत्न केला आहे. हाच मूड या आठवड्यातही कायम राहण्याची शक्यता आहे.

रेलिगेअर ब्रोकिंग लिमिटेडचे उपाध्यक्ष अजित मिश्रा यांच्या मते, बाजारात मोठी घडामोड होण्याचे संकेत दिसत नाही. पण अमेरिकन बाजारातील घडामोडींचा आणि धोरणांचा मोठा परिमाम भारतीय बाजारात दिसून येईल. बाजाराची दिशा त्यावर ठरेल.

युरोपियन मध्यवर्ती बँक (ECB) आणि बँक ऑफ इंग्लंड (BOE) या केंद्रीय बँकांच्या व्याजदरांची वृद्धी आणि आक्रमक धोरणांचा मोठा परिणाम दिसून येईल. या बँका अमेरिकन फेडरल रिझर्व्ह सारखी आक्रमक भूमिका घेऊ शकता. व्याजदर वाढवू शकतात. त्यामुळे जागतिक बाजारात पुन्हा मंदीची भीती व्यक्त करण्यात येत आहे.

गेल्या आठवड्यात निर्देशांकात 843.86 अंक वा 1.36 टक्के घसरला. तर निफ्टी 227.60 अंक अथवा 1.23 टक्के खाली आला. आता नाताळचे वेध लागल्याने विदेशी संस्थागत गुंतवणूकदार सुट्यांच्या मूडमध्ये आहे, त्यामुळे बाजारात संथपणे येण्याची शक्यता आहे.