महंगाई डायन…पेट्रोल-डिझेलनंतर आता गॅसचा नंबर? मायबाप सरकार, सर्वसामान्यांनी जगावं की नाही?

LPG Price Update: देशभरातली पेट्रोल आणि डिझेलच्या किंमतीत प्रति लिटर तीन रुपयांनी वाढल्या. पाच राजांच्या निवडणुकीनंतर इंधनाच्या किंमतीत वाढ होण्याची शक्यता वर्तवली जात होती. आता LPG सिलेंडरच्या किंमती पुन्हा भडकण्याची भीती व्यक्त केली जात होती. विरोधकांकडून याविषयीचा आरोप केला जात आहे. पण सरकारकडून अजून याविषयीची कोणतेही अधिकृत माहिती देण्यात आलेली नाही. मार्च महिन्यात 60 रुपयांनी घरगुती गॅस सिलेंडर महागला होता. त्यामुळे गॅस दरवाढीची अफवा पसरवली जात असल्याचा आरोप करण्यात येत आहे. आज 16 मे रोजी शनिवारी घरगुती LPG सिलेंडरच्या किंमतीत कोणती वाढ झालेली नाही. मुंबईत 14.2 किलोग्रॅम घरगुती गॅस सिलेंडरची किंमत 912 रुपये इतकी आहे. तर व्यावसायिक 19 किलो सिलेंडरची किंमत 3,024 इतकी रुपये आहे.

देशातील प्रमुख शहरातील LPG सिलेंडरचा भाव काय?

घरगुती LPG सिलेंडर (14.2 किलो)

नवी दिल्ली – 913 रुपये

कोलकाता – 939 रुपये

मुंबई – 912.50 रुपये

चेन्नई – 928.50 रुपये

व्यावसायिक LPG सिलेंडर (19 किलो)

नवी दिल्ली – 3,071.50 रुपये

कोलकाता – 3,202 रुपये

मुंबई – 3,024 रुपये

चेन्नई – 3,237 रुपये

मार्च महिन्यात 60 रुपयांनी सिलेंडर महाग

मार्च 2026 मध्ये घरगुती गॅस सिलेंडरची किंमत 60 रुपयांनी महागली. त्यानंतर आतापर्यंत घरगुती LPG सिलेंडरच्या किंमतीत कोणतीही मोठी वाढ झाली नाही. तेल कंपन्यांनी आतापर्यंत घरगुती गॅस सिलेंडरचा भाव स्थिर ठेवला आहे. पण गेल्या 15 वर्षांत घरगुती गॅस सिलेंडरची किंमत दुप्पट झाली आहे. आता गॅस सिलेंडरचा भाव वाढल्यास ग्राहकांना खूप मोठा फटका बसेल. कारण मध्यंतर एलपीजी पुरवठ्याच्या अनियमिततेमुळे नागरिकांच्या मनात प्रचंड रोष होता.

व्यावसायिक सिलेंडर इतके महागडे का?

16 मे 2026 रोजी व्यावसायिक LPG सिलेंडरच्या किंमतीत 993 रुपयांची मोठी वाढ झाली. तर 5 किलो FTL सिलेंडरच्या किंमतीत 261 रुपयांची वाढ झाली. त्याचा सर्वाधिक फटका हॉटेल, ढाबा, टपरी चालकांना बसला. रेस्टॉरंट, ढाबेवाल्यांच्या व्यवसायावर सर्वात मोठा परिणाम झाला. सिलेंडरचे दाम वाढल्याने अनेक व्यावसायिकांनी त्यांचा व्यवसाय बंद केला आहे. तर अनेकांनी त्याला दुसरा पर्याय शोधला आहे. लाकूड फाट्यावर स्वयंपाक करण्याची वेळ आली आहे.  पण सध्या घरगुती अथवा व्यावसायिक गॅस दरवाढी संदर्भात सरकारने कोणतीही अधिकृत माहिती दिलेली नाही.