Most Expensive Flat : कोण आहे ती महिला जिने मुंबईत खरेदी केले सर्वात महागडे घर; किंमत वाचून बसेल धक्का
India Most Expensive Residential Deal : या उद्योजिकेने मुंबईत सर्वात महागडा फ्लॅट खरेदी केला आहे. त्यासाठी 639 कोटी रुपयांची किंमत मोजली आहे. हा भारतातील महागडा सौदा ठरला आहे. कोण आहे ती उद्योजिका? कोणती आहे तिची कंपनी?
Leena Gandhi-Tiwari : मुंबईतील आलिशान घरांच्या मार्केटमध्ये अजून एक विक्रम रचल्या गेला आहे. वरळीतील समुद्र किनाऱ्यावरील डुप्लेक्स आपर्टमेंट 639 कोटीत खरेदी करण्यात आले आहे. वरळी बिंदू माधव ठाकरे चौकातील 40 मजली नमन-झाना या इमारतील 32 आणि 35 मजल्यांवर हे दोन फ्लॅट्स 639 कोटी रुपयांना उद्योजिका लीना गांधी-तिवारी यांनी खरेदी केले आहे. नमन-झाना ही 40 मजली इमारत आहे. दिग्गज फार्मा कंपनी USV India च्या अध्यक्ष लीना तिवारी यांनी हे दोन्ही फ्लॅट खरेदी केले आहेत.
वरळीतील महागडा सौदा
या डुप्लेक्ससाठी लीना तिवारी यांनी एकूण 703 कोटी रुपये मोजले. या सदनिकेच्या खरेदीसाठी 63.9 कोटी रुपये मोजले. वरळी समुद्र किनाऱ्या लगतच्या Naman Xana मधील दोन फ्लॅटची विक्री झाली आहे. हे दोन फ्लॅट्स 22,572 चौरस फूट आकाराचचे आहे. फ्लॅट्ससाठी प्रति चौरस फूट दर 2.83 लाख रुपये असून या 22,572 चौरस फूट च्या फ्लॅट साठी आतापर्यंतची सर्वाधिक रक्कम मोजली गेली आहे. 639 कोटी रुपये फ्लॅटसाठी तर 63.9 कोटी रुपये स्टॅम्प ड्युटी आणि जीएसटीसाठी सरकार दरबारी जमा करण्यात आले आहेत.
कोण आहेत लीना तिवारी?
दिग्गज फार्मा कंपनी USV India च्या लीना गांधी -तिवारी या अध्यक्ष आहेत. त्यांची गणना ही देशातील श्रीमंत महिलांमध्ये करण्यात येते. त्यांचे आजोबा विठ्ठल बालकृष्ण गांधी यांनी 1961 मध्ये ही कंपनी स्थापन केली होती. USV India ही बायो-टेक्नॉलॉजी कंपनी आहे. ती औषधी निर्माण करते. फोर्ब्सच्या अहवालानुसार, 29 मे, 2025 पर्यंत लीना यांची एकूण संपत्ती 3.9 अब्ज डॉलर इतकी होती. सध्या त्या जगातील 964 व्या सर्वात श्रीमंत व्यक्ती आहेत. 2023 मध्ये फोर्ब्स इंडियात त्या 45 व्या क्रमकांवरील श्रीमंत भारतीय महिला होत्या.
त्यांची संपत्ती बायोकॉन कंपनीच्या किरण मजूमदार-शॉ आणि नायका कंपनीच्या फाल्गुनी नायर यांच्यापेक्षा अधिक आहे. वर्ष 2023 मध्ये त्यांची एकूण संपत्ती 3.7 अब्ज डॉलर इतकी होती. त्यांचे पती युएसव्हीचे कामकाज पाहतात. ही कंपनी जवळपास 511 दशलक्ष डॉलरचे उत्पन्न मिळवते.
भारतातील टॉप 5 मधील कंपनी
आज ही कंपनी मधुमेह आणि हृदयविकारावरील औषधं तयार करणारी भारतातील पाच कंपन्यांपैकी एक आहे. ही कंपनी बायोसिमिलर औषधे, इंजेक्शनेबल आणि सक्रिय औषधी घटक तयार करते. लीना यांचे पती प्रशांत तिवारी यांन कार्नेलमधून मॅकनिकल इंजिनिअरिंगचे शिक्षण घेतले आहे. ते IIT पदवीधर आहेत. 2019 मध्ये लीना यांनी सामाजिक उत्तरदायित्व म्हणून 34 कोटी रुपये दान केले होते. हुरूनच्या दानशूर महिलांच्या यादीत तिसर्या क्रमांकावर होत्या.
