भरती म्हणजे, भरती म्हणजे, भरती… ‘या’ बँकेत अर्ज करा, घसघशीत पगार घ्या; असा करा अर्ज

बँकिंग क्षेत्रात काम करणाऱ्या उमेदवारांसाठी आता मोठी सुवर्णसंधी उपलब्ध झाली आहे. बँकेत नोकरी करण्याचं स्वप्न तुम्ही पाहात असाल तर तुमच्यासाठी बँक ऑफ बडोदाने फायनान्स, एमएसएमई बँकिंग, डिजिटल अशा विविध बँकिंग क्षेत्रात काम करण्यासाठी ५९२ पदांची भरती प्रक्रिया सुरु केली आहे. ३० ऑक्टोबरपासून अर्ज प्रक्रिया सुरू करण्यात आली असून इच्छुक उमेदवारांनी १९ नोव्हेंबर २०२४ पर्यंत बँकेच्या अधिकृत वेबसाइट द्वारे पदांसाठी अर्ज करू शकतात.

रिक्त पदांचा तपशील

फायनान्समध्ये १ पद असून एमएसएमई बँकिंगमध्ये १४० पदे , डिजिटल ग्रुपमध्ये १३९ पदे, रिसिप्ट मॅनेजमेंटमध्ये २०२ पदे, इन्फॉर्मेशन टेक्नॉलॉजीमध्ये ३२ आणि कॉर्पोरेट आणि इन्स्टिट्यूशनल लोनमध्ये ७९ पदांचा समावेश आहे. या व्यतिरिक्त मॅनेजर, असिस्टंट व्हाईसप्रेसिडेंट, रिलेशनशिप मॅनेजर, प्रॉडक्ट हेड अशी अनेक पदांवर भरती करण्यात येणार आहे.

पात्रता, निकष, वयोमर्यादा

बिझनेस फायनान्स मॅनेजर पदांसाठी अर्ज करणाऱ्या उमेदवारांकडे सीए किंवा एमबीए पदवी असणे आवश्यक आहे. त्याचबरोबर एमएसएमई रिलेशनशिप मॅनेजर पदांसाठी अर्जदाराकडे कोणत्याही शाखेची पदवी असणे आवश्यक आहे. अर्जदाराचे वय २२ वर्षे ते ४५ वर्षा दरम्यान असावे. इतर पदांवरील पात्रतेशी संबंधित माहितीसाठी उमेदवार बँकेने जारी केलेली अधिकृत अधिसूचना तपासावी.

पदांसाठी अर्ज कसा करावा ते येथे पहा

बँक ऑफ बडोदा बँकेच्या bankofbaroda.in या अधिकृत संकेतस्थळाला भेट द्या.

होम पेजवर दिलेल्या ‘करिअर’ टॅबवर जा.

आता येथे नोटिफिकेशन वाचा आणि अर्ज करण्यासाठी लिंकवर क्लिक करा.

तपशील प्रविष्ट करून कागदपत्रे अपलोड करा.

अर्ज शुल्क भरा.

अर्ज जमा करा.

अर्ज शुल्क

जनरल, ईडब्ल्यूएस आणि ओबीसी प्रवर्गातील उमेदवारांसाठी अर्ज शुल्क ६०० रुपये भरावे लागणार आहेत. तर एससी, एसटी, पीडब्ल्यूडी आणि महिला उमेदवारांना १०० रुपये अर्ज शुल्क भरावे लागेल.

निवड प्रक्रिया

या सर्व पदांसाठी अर्जदारांची निवड मुलाखतीच्या आधारे केली जाणार आहे. तसेच शॉर्टलिस्ट केलेल्या उमेदवारांना मुलाखतीसाठी बोलावले जाईल. बँकेकडून अद्याप मुलाखतीची तारीख जाहीर करण्यात आलेली नाही.