हँडसम भाच्याच्या प्रेमात होती मामी; दोघे हॉटेलमध्ये पोहोचले… मग उघड झाले रहस्य, पोलिसही हादरले
एक धक्कादायक प्रकरण समोर आले आहे. मामी चक्क भाच्याच्या प्रेमात पडली. एक दिवस ते हॉटेलमध्ये गेले आणि पोलीस येणार असल्याचे कळताच जे झालं...
उत्तर प्रदेशच्या बुलंदशहरमधून एक खळबळजनक प्रकरण समोर आले आहे. येथे एका भाच्याचे मन त्याच्या मामीवर आले. हळूहळू दोघांमधील जवळीक वाढली. एके दिवशी दोघेही सुहागरात साजरी करण्यासाठी हॉटेलमध्ये पोहोचले. पण, काही वेळातच त्यांचे स्वप्न भंगले. त्यानंतर दोघांनी असे पाऊल उचलले, ज्यामुळे पोलिसांचेही धाबे दणाणले. खरे तर, भांडाफोड होण्याच्या भीतीने दोघांनी त्या हॉटेलमध्येच विष प्राशन केले. त्यांना रुग्णालयात दाखल करण्यात आले. दोघांची प्रकृती सुधारल्यानंतर दिल्ली पोलिस त्यांना आपल्यासोबत घेऊन गेले. नगर कोतवाली पोलिसांनी या प्रकरणात कोणतीही लेखी कारवाई झाली नसल्याचे सांगितले.
म्हणतात, प्रेमात ना वय पाहिले जाते ना नाते-संबंध. प्रेम ही एक भावना आहे, जी कधीही, कुठेही आणि कोणासोबतही होऊ शकते. पण कधीकधी काही प्रेमकथा नात्यांनाही उद्ध्वस्त करतात. गौतमबुद्धनगर परिसरातील एका महिलेचे लग्न जहांगीराबाद येथे झाले होते, तर भाचा दिल्लीचा रहिवासी आहे. दोघांचे प्रेम इतके वाढले की महिलेने पतीला फसवून भाच्यासोबत पळ काढला. असे सांगितले जाते की दोन दिवसांपूर्वी दोघांनी घर सोडून हॉटेल गाठले होते.
वाचा: विमानाच्या खिडकीवर छोटे छिद्र का असते, याचा कधी विचार केलाय का?
दिल्लीच्या प्रेमनगर करावल नगर परिसरातील २२ वर्षीय तरुणाचे त्याच्या रिश्त्यातील मामीसोबत प्रेमसंबंध होते. त्याची मामी गौतमबुद्धनगरच्या निक्सन व्हिला बीटा-२ ग्रेटर नोएडा परिसरातील रहिवासी आहे, जिचे लग्न जहांगीराबाद येथील तरुणासोबत झाले होते. ही महिला काही दिवसांपूर्वी माहेरी गेली होती. तिथून १७ जूनला ती भाच्यासोबत घर सोडून निघून गेली. तिचा शोध घेण्यात नाकाम झालेल्या कुटुंबीयांनी २० जूनला गौतमबुद्धनगरच्या बीटा २ थाण्यात तिची हरवल्याची तक्रार दाखल केली. तर, तरुणाच्या हरवण्याची तक्रार त्याच्या कुटुंबीयांनी २० जूनलाच दिल्लीच्या दयालपूर थाण्यात दाखल केली होती.
गौतमबुद्धनगर आणि दिल्ली पोलिस दोघांचा शोध घेत होते. शनिवारी दिल्ली पोलिसांना माहिती मिळाली की मामी आणि भाचा बुलंदशहरच्या जुन्या रोडवेज बस स्टँडजवळील एका हॉटेलमध्ये थांबले आहेत. दिल्ली पोलिसांनी मग नगर पोलिसांशी संपर्क साधला. दरम्यान, पोलिस येत असल्याची कुणकुण लागताच महिलेने आपल्या प्रियकर भाच्यासोबत विष प्राशन केले. घाईघाईने त्यांना रुग्णालयात दाखल करण्यात आले. प्रकृतीत सुधारणा झाल्यानंतर दिल्ली पोलिस त्यांना आपल्यासोबत घेऊन गेले.
थाणे प्रभारी यांनी सांगितले की, महिलेचे तिच्या भाच्यासोबत प्रेमसंबंध होते. यामुळे दोघांनीही आपले घर सोडले आणि बुलंदशहरमध्ये दोघांनी विषारी पदार्थ प्राशन केला. प्रकृतीत सुधारणा झाल्यानंतर दिल्ली पोलिस त्यांना आपल्यासोबत घेऊन गेले.
