प्रेमात नको ते धाडस करणं जीवावर बेतलं, रात्री प्रेयसीला भेटायला गेला अन्…
प्रेमात पडल्यानंतर व्यक्तीला जोडीदारासाठी काय करु काय नको असं होतं. मग आपल्या जोडीदारासाठी कोणताही धोका पत्करायची तयारी असते. पण कधी कधी खरंच नको तो प्रयत्न जीवावर बेततो.
हनुमानगढ : व्यक्ती प्रेमात पडला की तो आपल्या जोडीदारासाठी काहीही करायला तयार असतो. अगदी कोणताही धोका पत्करायला तयार असतो. पण कधी कधी हे धाडस खरंच जीवावर बेततं. अशीच एक घटना राजस्थानमध्ये उघडकीस आली आहे. रात्री अंधाराचा फायदा घेत एक तरुण प्रेयसीला भेटायला गेला. पण त्याचं हे धाडस जीवाववर बेतलं. प्रेयसीच्या आईने त्याला पाहिले आणि अन्य एकाच्या मदतीने त्याची हत्याच केली. पोलिसांनी आरोपी महिलेसह तिच्या साथीदाराला ताब्यात घेतले आहे. पोलीस आरोपींची सखोल चौकशी करत आहेत. या घटनेमुळे परिसरात खळबळ माजली आहे. पोलिसांनी तरुणाचा मृतदेह ताब्यात घेत शवविच्छेदनासाठी रुग्णालयात पाठवला आहे.
प्रेयसीला भेटायला गेला पण आईने पाहिलं अन्…
मयत तरुण मुकेशचे आरोपी महिला मायाच्या मुलीसोबत प्रेमसंबंध होते. यामुळे तो सोमवारी रात्री प्रेयसीला भेटण्यासाठी गुपचूप मायाच्या घरी गेला होता. मात्र मायाला त्याची चाहूल लागली. मायाने दुसरा आरोपी सुखरामसोबत मिळून मुकेशची हत्या केली. घटनेची माहिती मिळताच पोलिसांनी तात्काळ घटनास्थळी दाखल होत मृतदेह ताब्यात घेत पंचनामा केला. घटनास्थळावरुन पुरावे गोळा केले. यानंतर माया आणि सुखरामला ताब्यात घेतले आहे. पोलीस दोघांची कसून चौकशी करत आहेत.
शवविच्छेदन अहवाल आल्यानंतर पुढील कारवाई
मुकेशचा शवविच्छेदनासाठी रुग्णालयात पाठवण्यात आला आहे. शवविच्छेदन अहवाल आल्यानंतरच पुढील कारवाई करण्यात येईल. तसेच हत्येमागे केवल हेच कारण होतं की अन्य काही याबाबतही पोलीस तपास करत आहेत. तपासाअंतीच सर्व प्रकार उघडकीस येईल.
