घरगुती कारणामुळे सतत वाद, मंत्र्यांच्या कारवर चालक म्हणून काम करणाऱ्या पोलीस नाईकाचा गळफास
प्रशांत याची नुकतीच एका मंत्र्यांच्या डिव्ही कारवर चालक म्हणून नेमणूक करण्यात आली होती. प्रशांत याची पत्नीही रायगड पोलीस दलात पोलीस अधीक्षक कार्यालयात काम करतात.
रायगड : मंत्र्याच्या डिव्ही कारवर चालक म्हणून काम करणाऱ्या एका पोलीस नाईकाने आत्महत्या केल्याची धक्कादायक घटना समोर आली आहे. प्रशांत ठाकूर (35) असे या पोलीस नाईकाचे नाव आहे. अलिबागमधील शिवाजीनगर या परिसरात राहत्या घरात पंख्याला गळफास घेत त्यांनी आत्महत्या केली. प्रशांत यांनी घरगुती कारणामुळे आत्महत्या केल्याचा प्राथमिक अंदाज वर्तवला जात आहे. (Alibag Minister Driver police officer committed suicide due to some disputes)
प्रशांत ठाकूर हा अलिबाग पोलीस ठाण्यात पोलीस नाईक म्हणून काम करीत होता. प्रशांत याची नुकतीच एका मंत्र्यांच्या डिव्ही कारवर चालक म्हणून नेमणूक करण्यात आली होती. प्रशांत याची पत्नीही रायगड पोलीस दलात पोलीस अधीक्षक कार्यालयात काम करतात.
घरातच दोरीच्या साहाय्याने गळफास
गेल्या आठ दिवसापासून प्रशांत यांची पत्नी माहेरी गेली होती. त्यामुळे तो हा घरी एकटाच राहत होता. काल सकाळी अकराच्या सुमारास संबंधित मंत्र्यांच्या दौरा होता. त्यामुळे डिव्ही कारची चावी देण्यासाठी एक पोलीस कर्मचारी प्रशांत यांच्या घरी गेला. त्यावेळी त्याने बराच वेळ फ्लॅटचा दरवाजा ठोठावला. मात्र प्रशांतने काहीही दाद दिली नाही.
यानंतर त्या पोलीस कर्मचाऱ्याने अलिबाग पोलीस ठाण्यात संपर्क साधला. अलिबाग पोलिसांनी घटनास्थळी धाव घेतली. यानंतर त्यांनी दरवाजा तोडून घरात प्रवेश केला. यावेळी प्रशांत हा फ्लॅटमध्ये पंख्याला दोरीच्या साहाय्याने गळफास घेऊन लटकलेल्या अवस्थेत दिसला.
तपास सुरु
यानंतर पोलिसांनी पंचनामा करुन प्रशांतचा मृतदेह शवविच्छेदनासाठी रुग्णालयात पाठवण्यात आला आहे. प्रशांत याने नेमकी आत्महत्या का केली? याबाबत अद्याप कारण समजलेले नाही. मात्र काही घरगुती कारणामुळे त्याने आत्महत्या केली असावी, असा प्राथमिक अंदाज वर्तवला जात आहे. दरम्यान सध्या याप्रकरणी तपास सुरु आहे.
Video | पेटलेला गॅस सिलिंडर घेऊन नदीकडे धाव, आग विझविण्यासाठी दाखवलेली हिम्मत एकदा पाहाचhttps://t.co/vZ7AQGBkus#viral | #ViralVideo | #fire
— TV9 Marathi (@TV9Marathi) July 7, 2021
(Alibag Minister Driver police officer committed suicide due to some disputes)
संबंधित बातम्या :
दरोड्यासाठी गावठी कट्टा, कोयता, सुरीचा उपयोग; मनसेच्या पदाधिकाऱ्यासह 4 जणांना बेड्या
मंदिर परिसरात वादावादी, अंबरनाथमध्ये 21 वर्षीय तरुणाची धारदार शस्त्राने हत्या