‘आधी काळी जादू केली, मग कुकर्म’ IIT बॉम्बेच्या विद्यार्थ्यासोबत नेमके काय घडले?

मुंबई : विद्यार्थ्याच्या आत्महत्येची घटना ताजी असतानाच आयआयटी बॉम्बेतून आज आणखी एक धक्कादायक घटना उघडकीस आली आहे. आयआयटी बॉम्बेच्या एका विद्यार्थ्याने मुंबईतील एका जोडप्यावर अत्यंत गंभीर आरोप केला आहे. अतिशय हाय प्रोफाईल सोसायटीत राहणारे पती-पत्नी ‘तांत्रिक लैंगिक संबंध‘ ठेवतात, असा या विद्यार्थ्याचा आरोप आहे. तसेच या जोडप्याने त्याला सेक्स स्लेव्ह बनवले आहे. तांत्रिक सेक्स दरम्यान हे जोडपे त्याला तासनतास लैंगिक कृत्यात गुंतवून ठेवतात आणि या दरम्यान त्याला बांधले जाते आणि त्यावर विविध ठिकाणी मेण वितळले जाते, असे विद्यार्थ्याने आपल्या आरोपात म्हटले आहे. याप्रकरणी पवई पोलिस ठाण्यात गुन्हा दाखल करण्यात आला आहे.

अद्याप कुणालाही अटक नाही

मुंबई पोलिसांनी याप्रकरणी एक पुरुष आणि त्याच्या पत्नीविरुद्ध खुनाचा प्रयत्न, अनैसर्गिक लैंगिक संबंध आणि जादूटोणा या कायद्यांतर्गत गुन्हा दाखल केला आहे. या प्रकरणी पोलिसांनी शनिवारी एफआयआर नोंदवला. याप्रकरणी दोन दिवस उलटून गेले तरी अद्याप कोणालाही अटक करण्यात आलेली नाही.

ग्रिंडर अॅपच्या माध्यमातून विद्यार्थ्याची आरोपीशी ओळख

आयआयटी बॉम्बेमध्ये शिकणाऱ्या या विद्यार्थ्याची ग्रिंडर अॅपच्या माध्यमातून आरोपीशी दोन वर्षापूर्वी ओळख झाली होती. विद्यार्थ्याचा आरोप आहे की, आरोपीने त्याच्यासोबत हिंसक लैंगिक संबंध ठेवले. संबंध ठेवताना इतका छळ केला की, त्यातून जीव जाण्याचा धोका होता.

जोडपे तांत्रिक संबंध ठेवत असल्याचा आरोप

हे जोडपे ‘तांत्रिक सेक्स’ करतात, असा तरुणाचा आरोप आहे. सेक्स करताना तरुणाचे हात बांधून त्याचा गळा दाबला होता. शरीरावर अनेक ठिकाणी गरम चटके देण्यात आले. पती-पत्नीने मिळून त्याला सेक्स स्लेव्ह बनवले आणि अनेक प्रकारे छळ करून त्याच्याशी लैंगिक संबंध ठेवले.

हे प्रकरण हायप्रोफाईल जोडप्याशी संबंधित असल्याने त्यावर अद्याप कोणतीही कारवाई झालेली नाही. तांत्रिक सेक्समध्ये व्यक्तीला संमोहन करून गुलाम बनवले जाते. संमोहित झाल्यानंतर, संबंधित व्यक्ती त्याला सांगितल्याप्रमाणे करते आणि जो आदेश देणाऱ्याच्या स्वाधीन होतो.