Crime News : प्रेम प्रकरणातून भांडण, तरुणीच्या समोर रस्त्यात दोघांना रक्तबंबाळ होईपर्यंत मारहाण, पोलिसांनी…

भंडारा : भंडारा (Bhandara) जिल्ह्यात एक प्रकरण असं घडलं की, लोकांना मोठा धक्का बसला आहे. प्रेम प्रकरणातून झालेल्या वादात दोन तरुणांवरती चाकू हल्ला करण्यात आला आहे. झालेल्या अचानक हल्ल्यामध्ये एका तरुणाचा जागीचं मृत्यू झाला आहे. या प्रकरणी भंडारा जिल्ह्याच्या जवाहरनगर पोलिस स्टेशनमध्ये (bhandara jawaharnagar police) गुन्हा दाखल करण्यात आला आहे. घटना झाल्याची माहिती समजल्यानंतर घटनास्थळी तिथल्या रुग्णालयात मोठी गर्दी झाली होती. एकाचा मृत्यू झाल्याची माहिती समजल्यानंतर तिथला जमाव संतप्त झाला होता. जखमी तरुणावरती तिथल्या सामान्य प्रशासन रुग्णालयात (General Administration Hospital) उपचार सुरु आहेत. विशेष म्हणजे ज्यावेळी त्या तरुणावरती हल्ला झाला, त्यावेळी तिथं दोन तरुणी सुध्दा होत्या अशी चर्चा आहे.

22 वर्षीय तरुणाचा जागीच मृत्यू झाला आहे, तर दुसरा गंभीररीत्या जखमी झाल्याची घटना भंडारा जिल्हाच्या जवाहरनगर पोलिस स्टेशन हद्दीत ठाणा न्याहारवाणी रस्त्यावर घडली आहे. आवेज हसन शेख (रा. ठाणा) असे मृताचे नाव असून, श्रेयस मुन्ना वाहाणे (18) असे गंभीर जखमीचे नाव आहे. घटनेनंतर पसार झालेल्या दोन्ही मारेकरी पोलिस स्टेशनमध्ये जमा झाल्याची माहिती मिळाली आहे. आरोपी तन्वीर पठाण (22) व अन्य एका साथीदाराचा समावेश आहे.

मृतक आवेज शेख (22) याला भंडारा येथील दोन्ही तरुणांनी फोन करून बोलावले. त्यावेळी आवेज व श्रेयस वाहने ठाणा निहारवाणी रस्त्यावर गेले होते. भंडारा येथून आलेल्या दोन्ही तरुणांनी वादातून आवेज व श्रेयसवर चाकूने वार केले. यात आवेजच्या मानेला, पोटाला व हाताला चाकूने हल्ला केला. झालेल्या जबरी हल्ल्यामध्ये आवेजच्या मृत्यू झाला. तर श्रेयस हा गंभीर जखमी झाला. यावेळी तेथे दोन तरुणी सुद्धा उपस्थित असल्याची प्राथमिक माहिती आहे. पसार झालेल्या दोन्ही आरोपींनी भंडारा पोलिस स्टेशनमध्ये जमा झाले आहेत. यात तन्वीर पठाण (22) व अन्य एका साथीदाराचा समावेश आहे.

रक्तबंबाळ अवस्थेत श्रेयसने ठाणा येथील आपल्या मित्रांना घटनेची माहिती दिली. तीन ते चार मित्र घटनास्थळी पोहोचले, घटनास्थळी आवेज व श्रेयस रक्तबंबाळ अवस्थेत डांबरी रस्त्यावर पडलेले होते. दोघांनाही लगेच शहापूर आरोग्य उपकेंद्र येथे दुचाकीने आणले. मात्र, तोपर्यंत आवेजचा मृत्यू झाला. श्रेयसवर प्राथमिक उपचारानंतर भंडारा जिल्हा सामान्य रुग्णालयात रेफर करण्यात आले, आता पोलिस या प्रकरणाचा कसून तपास करीत आहेत.