केंद्रीय मंत्र्याच्या आईला चोरट्यांनी लुटलं, पोलिसांचा तपास सुरु

चैतन्य गायकवाड, नाशिक : केंद्रीय मंत्र्याच्या आईला लुटल्याची घटना काल नाशिकमध्ये (NASHIK CRIME NEWS) घडल्यानंतर चर्चेला उधान आलं आहे. ही घटना काल वाऱ्यासारखी व्हायरल झाली. नाशिकमध्ये काल सायंकाळपासून सगळीकडे हीचं चर्चा सुरु आहे. केंद्रीय मंत्र्याच्या आईच्या गळ्यातील सोन्याची माळ चोरीला गेल्याची तक्रार पोलिस स्टेशनमध्ये (POLICE STATION) दाखल झाली आहे. पोलिस आरोपीचा सीसीटिव्हीच्या आधारे शोध घेत आहेत. मंत्र्याच्या आईच्या गळ्यातील सोन चोरीला जात असेल, तर सामान्य माणसाचं काय ?अशी चर्चा कालपासून सुरु आहे. केंद्रीय आरोग्य राज्यमंत्री डॉ. भारती पवार (BHARATI PAWAR) यांच्या मातोश्रीचे मंगळसुत्र चोरट्यांनी खेचून नेली.

नाशिक शहरात मागच्या काही दिवसांपासून महिलांच्या सोनसाखळी चोरीच्या घटनांमध्ये वाढ झाली आहे. सोनसाखळी चोरट्यांनी थेट केंद्रीय राज्यमंत्र्यांच्या आईलाच लक्ष केल्यामुळे जोरदार चर्चा सुरु आहे. केंद्रीय आरोग्य राज्यमंत्री डॉ. भारती पवार यांच्या मातोश्री शांताबाई बागुल यांच्या गळ्यातील मंगळसूत्र दुचाकीवरून आलेल्या चोरट्यांनी खेचले.

ही घटना काल सायंकाळच्या सुमारास म्हसरूळ पोलीस ठाण्याच्या हद्दीत आरटीओ रोडवर घडली. शांताबाई बागुल असं डॉ. भारती पवार यांच्या आईचं नाव आहे. त्या भाजीपाला घेऊन पायी जात होत्या, त्याचवेळी दुचाकीवरून आलेल्या संशयित चोरट्यांनी बागुल यांच्या गळ्यातील अडीच तोळ्याची सोनसाखळी खेचली. याप्रकरणी नाशिकच्या म्हसरूळ पोलीस ठाण्यात गुन्हा दाखल करण्यात आला आहे. पोलिसांकडून सीसीटीव्हीच्या आधारे संशयितांचा शोध घेण्याचे प्रयत्न सुरू आहे.

नाशिकमध्ये मागच्या काही दिवसात चोरीचं प्रमाण अधिक वाढलं आहे.पोलिस प्रशासनाला गुन्हेगारी रोखण्यात अपयश येत असल्याची चर्चा सुरु झाली आहे. रोज घटना घडत असल्यामुळे चोरट्यांना बंदोबस्त कसा करावा असा प्रश्न पोलिसांनी नक्की पडला असेल.