CCTV : बस चालकाने डावीकडे पाहिलंच नाही, तरुणीला चिरडताना थरार कॅमेऱ्यात कैद
रस्ता ओलांडताना ही चूक करणं पडू शकतं महागात! अपघाताचं सीसीटीव्ही फुटेज काळजाचा ठोका चुकवणारं
दिल्ली : रस्ता ओलांडत असताना एका बसने तरुणीला (Road Accident Death) चिरडलं. यात तरुणीचा जागीच जीव गेला. काळजाचा थरकाप उडवणारा हा भीषण अपघात सीसीटीव्ही कॅमेऱ्यात (Accident CCTV Video) कैद झालाय. नवी दिल्लीच्या (New Delhi Accident News) करोल बाग परिसरात ही घटना घडली.
फैज रोड येथे पायी चालत जाणाऱ्या 27 वर्षीय तरुणीचा दुर्दैवी अंत झाला. या तरुणीला धडक दिल्यानंतरही निर्दयी चालकाने गाडी थांबवली नाही. तिला तसंच फरफटत तो पुढे घेऊन गेला. त्यामुळे या घटनेची दाहकता अधिक वाढली.
रस्त्यावर रक्तबंबाळ अवस्थेत या मुलीचा मृतदेह पाहून सगळेच थबकले होते. या अपघातप्रकरणी पोलिसांनी आता पंचनामा केला असून पुढील तपास सुरु आहे.
अपघातात मृत्यू झालेल्या 27 वर्षीय तरुणीचं नाव सपना असल्याची माहिती समोर आली आहे. ती गाझियाबादमधील रामेश्वर पार्कमध्ये पाहत होते. तिचे वडील खाडी बाओली परिसरात हातगाडीवर संसार चालवतात.
पोलिसांनी दिलेल्या माहितीनुसार, सोमवारी सकाळी 9 वाजण्याच्या सुमारास ही घटना घडली. सपना ही एका खासगी कंपनीत रिसेप्शनिस्ट म्हणून काम करते. ती घरातून ऑफिसला जात असताना काळानं तिच्यावर घाला घातला. रस्ता क्रॉस करतेवेळी बसने तिला चिरडलं.
पाहा सीसीटीव्ही व्हिडीओ :
#Delhi दिल्ली के करोल बाग इलाके में दर्दनाक सड़क हादसा। CCTV में कैद हुई घटना। फैज रोड पर सुबह 9 बजे प्राइवेट बस ने पैदल सड़क पार कर रही महिला को कुचल दिया। महिला ने मौके पर ही दम तोड़ दिया। महिला का नाम सपना यादव बताया जा रहा है जोकि दिल्ली के शास्त्री पार्क की रहने वाली है। pic.twitter.com/s7BnRwMXPk
— Rahul Chauhan (@chauhanrahullll) November 1, 2022
सपनाला ज्या बसने चिरडलं, ती बस पोलिसांनी ताब्यात घेतली आहे. ही बस दिल्ली-जयपूर-अजमेर या मार्गावर धावते. बसचा चालक आणि वाहक यांना अटक करण्यासाठी पोलिसांनी पथकंही तैनात केली आहेत.
बस थांबलेली असल्यामुळे सपना डाव्या बाजूने बसच्या समोर आली. ती बसच्या समोरुन रस्ता क्रॉस करणार होती. पण चालकाने डाव्या बाजूला आणि समोर न पाहताच बस पुढे घेतली आणि अनर्थ घडला.
सपनाला बसचा जबर धक्का बसला आणि ती रस्त्यावर कोसळली. त्यानंतर बसच्या चाकाखाली चिरडली गेल्यानं प्रचंड रक्तस्त्राव होऊन तिचा जागीच जीव गेला.
या अपघातामुळे थांबलेल्या बस समोरुन रस्ता क्रॉस करताना काळजी घेण्याची गरजही आता व्यक्त केली जाते आहे. त्याच प्रमाणे बसच्या समोरुन रस्ता क्रॉस करणं जीवावर बेतू शकतं. अशावेळी अधिक खबरदारी बाळगण्याची गरज व्यक्त केली जातेय. मात्र ऐन तारुण्यात मुलीला अपघातात गमावल्यामुळे सपनाच्या कुटुंबीयांना मोठा धक्का बसलाय.
