Boss : कर्मचाऱ्याने वैतागून दिला राजीनामा, बॉस इतका संतापला की फोडले डोकं, मग पुढे काय झाले..
Boss : भर बैठकीत बॉसने थेट कर्मचाऱ्याचे डोकेच फोडले
मुंबई : प्रत्येक कार्यालयात (office), कचेरीत वाद होतच असतात. पण त्याचे पर्यवसन मारहाणीत होण्याचे प्रसंग फारच कमी ठिकाणी घडतात. पण मुंबईतील बोरवलीतील (Borivali) एक कंपनी मात्र त्याला अपवाद ठरली आहे. येथे बॉसने थेट कर्मचाऱ्याचे डोकेच फोडले. आता ही विमा कंपनी (Insurance Company) असल्याने कर्मचाऱ्याला विम्याचे संरक्षण मिळाले की नाही, हा प्रश्न तसा अनुत्तरीत आहे..
या विमा कंपनीतील कर्मचाऱ्याला दिलेले टार्गेट पूर्ण करता आले नाही. त्यामुळे त्याने राजीनामा दिला. पण बॉसने हा राजीनामा नामंजूर केला. त्यानंतर झालेल्या बैठकीत बॉसने या कर्मचाऱ्याच्या डोक्यात टेबलवरील घड्याळ घातले.
या अनपेक्षित हल्ल्याने कर्मचारी भाबांवला. त्याच्या डोक्याला गंभीर जखम झाली. त्याला तातडीने रुग्णालयात नेण्यात आले. कर्मचाऱ्याने बॉसविरोधात शड्डू ठोकले. त्याने बॉसविरोधात पोलिसांमध्ये तक्रार दाखल केली.
प्रकरणात पोलिसांनी 35 वर्षाच्या मॅनेजर अमित सिंहविरोधात गुन्हा नोंदविला आहे. पीडित आनंद सिंह याने मॅनेजर विरोधात तक्रार दिली. तसेच त्याची आपबित्ती सांगितली.
तक्रारदारानुसार, तो गेल्यावर्षीपासून सदर विमा कंपनीत नोकरीला आहे. त्याला एका बँकेच्या सहयोगाने आरोग्य विमा विक्रीचे टार्गेट मिळाले. तो सप्टेंबर महिन्यात 5 लाख रुपये टार्गेट पूर्ण करु शकला नाही.
त्यानाराजीने त्याने स्वतः बॉसकडे राजीनामा दिला. अमित सिंह याने तो राजीनामा स्वीकारला नाही. त्यानंतर त्याने शनिवारी तक्रारकर्त्याला कार्यालयात बोलाविले. त्याने टार्गेट का पूर्ण केले नाही यावरुन वाद झाला.
संध्याकाळी ऑफिसमध्ये बैठक सुरु असताना पुन्हा वाद झाला. टार्गेट पूर्ण न केल्याने आरोपीने तक्रारकर्त्याच्या डोक्यात प्लास्टिकचं घड्याळ फोडलं. त्यामुळे तक्रारकर्त्याच्या डोक्यातून रक्ताची धार लागली. त्याला तातडीने रुग्णालयात नेण्यात आले.
बोरिवली पोलिस ठाण्याचे वरिष्ठ निरीक्षक निनाद सावंत यांनी सांगितले की, त्यांनी आरोपीविरोधात गुन्हा नोंद केला आहे. त्याला अटक करण्यात आली नाही. आरोपीला पोलिस कलम 41 नुसार नोटीस पाठवून पुढील कारवाई करणार आहे.
