मध्यरात्री तलवारी आणि दांडके घेऊन येतात…घरावर दगड फेक करत हैदोस घालणाऱ्या टोळीचा बंदोबस्त कधी होणार?
परिसरातील घरांवर दगडफेक करतांना पंधरा ते वीस लोक दिसून येत आहे. काहींच्या हातात लाकडी दांडके आणि काहींच्या हातात धारदार हत्यारे असल्याचे दिसून येत आहे.
नाशिक : नाशिक शहरात सध्या गुन्हेगारीने (Crime) चांगलच डोकं वर काढले आहे. बलात्कार (Rape) आणि खुनाच्या (Murder) घटनेने शहर हादरलेलं असतांना एक धक्कादायक व्हिडिओ समोर आला आहे. नाशिकच्या अंबड परिसरातील दत्तनगर आणि दातीर मळा परिसरात एक टोळी सध्या दहशत माजवत आहे. घरांवर दगडफेक करत हातात लाकडी दांडके आणि तलवारी घेऊन कुठलीही भीती न बाळगता वावरत आहे. या घटनेचा तेथील नागरिकांनीच व्हिडिओ काढून सोशल मिडियावर व्हायरल करत या टोळीचा बंदोबस्त करण्याची मागणी केली आहे.
अंबड पोलीस ठाण्याच्या हद्दीत दत्तनगर तसेच दातीर मळा परिसरात टवाळ खोरांकडून दहशत माजवण्याचा प्रयत्न केल्याचे या व्हिडिओमधून प्रथम दर्शनी समोर येत आहे.
परिसरातील घरांवर दगडफेक करतांना पंधरा ते वीस लोक दिसून येत आहे. काहींच्या हातात लाकडी दांडके आणि काहींच्या हातात धारदार हत्यारे असल्याचे दिसून येत आहे.
अंबड पोलीस ठाण्याच्या हद्दीत असलेल्या दत्तनगर परिसर, दातीर मळा आणि अंबड ग्रामस्थांमध्ये भीतीचे वातावरण पसरले आहे.
परिसरात टवाळखोरांचा उपद्रव दिवसेंदिवस वाढत चालला आहे. यामुळे कायदा व सुव्यवस्था प्रश्न निर्माण झाला आहे.
सोशल मीडियावर हा व्हिडीओ व्हायरल करत तेथील नागरिक या टोळीचा बंदोबस्त करावा अशी मागणी करत आहे.
अंबड पोलीस ठाण्याच्या हद्दीत यापूर्वी देखील असेच व्हिडिओ यापूर्वी समोर आलेले आहे, त्यात गुन्हेगारी पार्श्वभूमी असलेले अनेक तरुण आढळून आलेले आहे.
नवीन नाशिक परिसरात अशा प्रकारची दहशत निर्माण करण्याचा ट्रेंड निर्माण झाल्याचे दिसून येत आहे, पोलीसांनी अशा टोळीचा वेळीच बंदोबस्त करण्याची गरज आहे.
