शाहरुखचा ‘रईस’ पाहून खून! मैत्रीच्या नावाखाली…, मोबाईलवर बनवला ‘किलिंग व्हिडिओ’

मध्यप्रदेशातील रीवा जिल्ह्यात चित्रपटाच्या स्टाईलने घडलेल्या एका हृदयद्रावक हत्येने संपूर्ण राज्याला हादरवून सोडले आहे. या प्रकरणातील आरोपी शाहरुख खानच्या ‘रईस’ चित्रपटापासून इतके प्रभावित झाले होते की, त्यांनी चित्रपटातील दृश्याची नक्कल करत आपला मित्र अभिषेक त्रिपाठी याचा चाकूने गळा कापला आणि संपूर्ण घटना कॅमेऱ्यात रेकॉर्ड केली.

हत्येला बनवले “व्हिडिओ शूटिंग”चा भाग

७ मे रोजी अभिषेकच्या कुटुंबीयांना एक व्हिडिओ पाठवण्यात आला, ज्यामध्ये एक तरुण अभिषेकचा गळा कापताना दिसत होता. व्हिडिओमध्ये दुसरा एक व्यक्ती त्याला म्हणत होता, “मोबाईल फेकू का?” आणि तो मोबाईल तिथेच फेकतो. ही हत्या एखाद्या सिनेमाच्या स्टाईलने शूट करण्यात आली होती. आरोपींना हा खून ‘क्लासिक गँगस्टर स्टाईल’मध्ये दाखवायचा होता, ज्याप्रमाणे ‘रईस’ चित्रपटात दाखवले आहे. वाचा: एकत्र फिरले, नूडल्स-आईस्क्रीम खाल्ले; शारीरिक संबंधानंतर बॉयफ्रेंडनेच जे केलं ते पाहून पोलिसांनाही बसला धक्का

१५ किमी दूर बोलावून केली हत्या, जेणेकरून पुरावे सापडणार नाहीत

अभिषेकला १५ किलोमीटर दूर भौखरी कला गावातील जंगलात बोलावण्यात आले. तिथे आधीपासून उपस्थित असलेल्या दोन अल्पवयीन मेंढपाळांना धमकावून पळवून लावण्यात आले आणि नंतर अभिषेकला जंगलात आत नेऊन लाठीने मारले. त्यानंतर आरोपी म्हणाले, “बाकीचे पैसे हवेत का? आजच हिशोब करूया…” आणि मग सुरू झाली क्रूरतेची सर्वात भयंकर कहाणी.

चाकूने गळा कापला, ‘शो ऑफ’साठी बनवला व्हिडिओ

मुख्य आरोपी रजनीश मिश्रा याने अभिषेकला पशूप्रमाणे जमिनीवर आपटून चाकूने गळा कापायला सुरुवात केली, तर त्याचा साथीदार राजकुमार ही संपूर्ण घटना रेकॉर्ड करत होता. आरोपी रजनीशने हा व्हिडिओ आपला भाऊ गोलू मिश्रा याला पाठवला, जेणेकरून तो आपली ‘बहादुरी’ दाखवू शकेल.

व्हिडिओ पाहून साक्षीदार थरारला, घटना उघडकीस

गोलूने हा व्हिडिओ कुलदीप त्रिपाठीला दाखवला. कुलदीपने तो व्हिडिओ आपल्या कुटुंबीयांना दाखवला आणि त्यांच्यामार्फत ही माहिती अभिषेकच्या कुटुंबापर्यंत पोहोचली. त्यानंतर कुटुंबीय थेट पोलीस स्टेशनला गेले आणि त्यांनी तो व्हिडिओ दाखवला, जो पाहून पोलीसही थक्क झाले.

पोलिसांनी आरोपींना पकडले, चौकशी सुरू

अतिरिक्त पोलीस अधीक्षक विवेक लाल यांच्या मते, तीन आरोपी आता पोलिसांच्या ताब्यात आहेत आणि त्यांची कसून चौकशी सुरू आहे. या प्रकरणाचा तपास आता सायबर सेल आणि मानसशास्त्रीय तज्ज्ञांच्या मदतीने पुढे नेला जात आहे, कारण ही हत्या कोणत्याही सामान्य वैमनस्यातून घडलेली नसून चित्रपटापासून प्रेरित मनोरुग्ण विचारसरणीचा परिणाम असल्याचे दिसत आहे.