रेल्वे अपघातात मृत्यू झालेल्या तरुणाचा मोबाईल गायब, पोलिस उपनिरीक्षक निघाला चोर

प्रातिनिधीक फोटो

तिरुअनंतपुरम : रेल्वे अपघातात मृत्युमुखी पडलेल्या युवकाचा मोबाईल चोरल्याप्रकरणी केरळ पोलिस उपनिरीक्षकाला निलंबित करण्यात आले आहे. तिरुअनंतपुरममधील मंगलपुरमचे माजी सब इन्स्पेक्टर ज्योती सुधाकर आणि कोल्लममधील चथन्नूरचे पोलीस उपनिरीक्षक यांच्यावर कारवाई करण्यात आली आहे.

मयत तरुणाच्या मोबाईलची चोरी

निलंबित पोलीस अधिकाऱ्याने मृत तरुणाकडून चोरी केलेल्या मोबाईलवर आपला अधिकृत नंबर वापरला. ज्योती सुधाकर तिरुअनंतपुरम जिल्ह्यातील पेरुमाथुरा येथील रहिवासी अरुण जेरी यांचा मोबाईल फोन वापरत होता.

नेमकं काय घडलं

18 जून 2021 रोजी अरुण जेरीला ट्रेनने धडक दिली आणि त्याच दिवशी त्याचा मृत्यू झाला. त्याचे नातेवाईक मृतदेहाची तपासणी करण्यासाठी आले असता मोबाईल फोनसह अनेक वस्तू गायब होत्या. जेव्हा त्याने पोलिसांना याबद्दल विचारले तेव्हा त्याने उत्तर दिले की सामान रेल्वेखाली अडकले असावे. तरीही कुटुंबाने केरळचे डीजीपी आणि सायबर सेल पोलिसांकडे मोबाइल हरवल्याची तक्रार दाखल केली.

सायबर सेलच्या तपासात उलगडा

केरळ पोलिसांच्या सायबर सेल विंगला आढळले की, कोल्लमच्या चथन्नूरमध्ये मोबाईल फोन अॅक्टिव्ह आहे. अधिक तपासात हा फोन चथन्नूर उपनिरीक्षक ज्योती सुधाकर वापरत असल्याचे उघड झाले.

पोलीस उपनिरीक्षकाची चौकशी होणार

जेव्हा अरुण जेरीचा मृत्यू झाला तेव्हा मृतदेहाची तपासणी मंगलापुरम एसआय ज्योती सुधाकर यांच्या नेतृत्वाखाली पूर्ण झाली. असे मानले जाते की पोलीस अधिकाऱ्याने चौकशी दरम्यान फोन चोरला. त्याने मोबाईल फोन गुप्त ठेवला आणि रेकॉर्डवर नोंद केली की फोन सापडला नाही. तिरुअनंतपुरम रेंजचे डीआयजी म्हणाले की ज्योती सुधाकरविरोधात पुढील तपास केला जाईल.

मुंबईतील गोकुळधाम सोसायटीत मोबाईल दुकानात चोरी

दुसरीकडे, गोरेगाव पूर्वेला असलेल्या गोकुळधाम सोसायटीतील गोकुळ मोबाईल शॉप या दुकानाचे शटर तोडून लाखो रुपये किमतीच्या मोबाईलसह सीसीटीव्ही डीव्हीआर मशीन चोरट्यांनी चोरुन नेल्याचा प्रकार नुकताच उघडकीस आला होता. मात्र पोलिसांनी वेगाने तपास करत चौघा जणांना बेड्या ठोकल्या आणि त्यांच्याकडून संपूर्ण मुद्देमाल जप्त केला.

काय आहे प्रकरण?

22 सप्टेंबर रोजी पहाटेच्या सुमारास हा प्रकार घडल्याची माहिती आहे. ‘तारक मेहता का उलटा चष्मा’ या लोकप्रिय मालिकेमुळे घराघरात परिचित झालेल्या गोकुळधाम सोसायटीमध्ये चोरीचा प्रकार घडला. सोसायटीत असलेल्या गोकुळ मोबाईल या दुकानातून लाखोंच्या किमतीचे मोबाईल फोन आणि सीसीटीव्ही डीव्हीआर मशीन चोरीला गेले होते.

घटनेची माहिती मिळताच, मुंबई पोलिसांच्या झोन 12 च्या डीसीपी डॉ डी स्वामी यांच्या मार्गदर्शनाखाली, पोलिसांनी 3 विशेष पथके तयार करून चोरांचा शोध सुरू केला. दिंडोशी पोलिसांनी मुंबईसह आसपासच्या भागातून चोरलेल्या संपूर्ण मुद्देमालासह चार चोरांना अटक केली आहे.

32 लाखांचे 167 महागडे मोबाईल

डीसीपी डॉ डी स्वामी यांनी सांगितले की मोबाईल दुकानातून विविध कंपन्यांचे 167 महागडे मोबाईल फोन चोरीला गेले होते, ज्याची किंमत 32 लाख 38 हजार 338 रुपये असल्याचे सांगितले जात आहे.

चोरीची घटना उघडकीस आल्यानंतर, पोलिसांनी तीन विशेष पथके तयार केली आणि तीन ते चार दिवस सीसीटीव्ही फूटेज स्कॅन करण्यास सुरुवात केली. कठोर प्रयत्नांनंतर पोलिसांनी चार आरोपींना मुंबई आणि आसपासच्या परिसरातून वेगवेगळ्या ठिकाणाहून अटक केली.

संबंधित बातम्या :

मुंबईतील गोकुळधाम सोसायटीतील मोबाईल दुकानात डल्ला, 167 महागडे फोन चोरीला

पाच महिलांची हातचलाखी, बसमध्ये बँक मॅनेजरच्या बॅगेतून अडीच लाख लांबवले, पुढे काय घडले?

VIDEO | ज्वेलरकडे खरेदीला आलेल्या ग्राहकाच्या पाटल्यांची चोरी, तीन महिला चोरांसोबत लहान मुलगाही