बदलीमुळे नाराजी, कोल्हापुरात पोलिस निरीक्षकाचा आत्महत्येचा प्रयत्न

बदलीमुळे नाराजी, कोल्हापुरात पोलिस निरीक्षकाचा आत्महत्येचा प्रयत्न
कोल्हापुरात पोलीस निरीक्षकाचा आत्महत्येचा प्रयत्न

कोल्हापूर जिल्ह्यातील पोलीस निरीक्षक प्रदीप काळे यांनी नदीत उडी घेत आयुष्य संपवण्याचा प्रयत्न केला (Kolhapur PI Suicide attempt )

अनिश बेंद्रे

|

Apr 14, 2021 | 2:23 PM

कोल्हापूर : कोल्हापुरात पोलीस अधिकाऱ्याने आत्महत्येचा प्रयत्न केल्याची घटना उघडकीस आली आहे. प्रदीप काळे यांनी नदीत उडी घेऊन आयुष्य संपवण्याचा प्रयत्न केला. सुदैवाने त्यांचे प्राण वाचवण्यात यश आले आहे. अचानक बदली झाल्यामुळे काळे नाराज असल्याची चर्चा आहे. (Kolhapur PI Pradeep Kale alleged Suicide attempt by Jumping into River)

सोशल मीडियावर नाराजीची पोस्ट

कोल्हापूर जिल्ह्यातील पेठ वडगाव पोलीस ठाण्यात पोलीस निरीक्षक म्हणून प्रदीप काळे याआधी कार्यरत होते. मात्र काही दिवसांपूर्वी काळेंची तडकाफडकी बदली करण्यात आली होती. बदलीच्या कारणास्तव प्रदीप काळे नाराज असल्याची चर्चा होती. आत्महत्येचा प्रयत्न करण्याआधी सोशल मीडियावर त्यांनी पोस्ट लिहून आभार व्यक्त केले होते.

काय होती सोशल मीडिया पोस्ट?

“ज्या पोलिस ठाण्यावर सन 2014 मध्ये पब्लिकने दगडफेक केली होती, ज्या पोलिस ठाण्यास एक अपवाद वगळता कोणीही प्रभारी अदिकारी सात-आठ महिने टिकू शकला नाही, त्या पोलीस ठाण्याला अखंडित 27 महिन्याची सेवा बजावल्यानंतर दगडपेकीचे घाव झेललेल्या पोलीस ठाण्याच्याच ठिकाणी त्याच नगरीच्या नागरिकांनी, नगराध्यक्षांनी, विविध पक्षांचे नगरसेवक, प्रतिष्ठित नागरिक, पत्रकार आणि माझा स्टाफ यांनी माझ्यावर आणि माझ्या कुटुंबावर फुलांचा वर्षाव करुन निरोप दिला, तो अभिमानास्पद एक क्षण”

“या यशाचे खरे हकदार माझे तत्कालीन एसपी अभिनव देशमुख सर, अॅडि. एसपी घाडगे सर, डीवायएसपी पिंगळे सर आणि काळे सर हे आहेत. त्यांच्या खंबीर आणि योग्य पाठबळामुळेच वडगांव पोलीस ठाणे, नागरिकांकडच्या उत्स्फूर्त सन्मानास पात्र ठरले आहे” अशी पोस्ट त्यांनी फेसबुकवर काही तास आधीच लिहिली होती.

चिकुर्डे पुलावरुन वारणा नदीत उडी

प्रदीप काळे यांनी आज कोल्हापुरातील चिकुर्डे पुलावरुन वारणा नदीत उडी घेतली. सुदैवाने हा प्रकार वेळीच लक्षात आल्यामुळे त्यांचे प्राण वाचवण्यात यश आले. काळे यांच्यावर खासगी रुग्णालयात उपचार सुरु आहेत.

संबंधित बातम्या :

मॉलबाहेर पोलिसाचा दाम्पत्यावर गोळीबार, व्हायरल व्हिडीओमागील सत्य काय?

प्रसिद्ध पार्श्वगायिकेच्या मुलीवर लैंगिक अत्याचार, ‘गायिका’ मावशी-‘संगीतकार’ काका अटकेत

Kolhapur PI Pradeep Kale alleged Suicide attempt by Jumping into River)

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें